Kubrakoŭ ahučyŭ ličby departacyi zamiežnikaŭ ź Biełarusi za 2025 hod
Ministr unutranych spraŭ Ivan Kubrakoŭ padvioŭ vyniki mihracyjnaj palityki za biahučy hod. Pavodle jaho słoŭ, niahledziačy na «adkrytaść i dobrazyčlivaść» krainy, da parušalnikaŭ zakanadaŭstva prymianiajucca žorstkija miery.
Kiraŭnik MUS Ivan Kubrakoŭ raskazaŭ, što za 2025 hod ź Biełarusi byli departavanyja kala 3 tysiač zamiežnych hramadzian. Jon zajaviŭ, što kraina pravodzić adkrytuju mihracyjnuju palityku, ale patrabuje ad haściej vykanańnia zakonaŭ.
Pavodle słoŭ Kubrakova, zamiežnikaŭ nie vypravadžvajuć imhnienna: paśla pieršaha parušeńnia vynosicca papiaredžańnie, i tolki ŭ vypadku paŭtornaha zdareńnia čałavieka abaviazvajuć pakinuć respubliku.
U MUS taksama adznačajuć istotny rost pracoŭnaj mihracyi. Za dzieviać miesiacaŭ 2025 hoda kolkaść inšaziemcaŭ, jakija pryjechali ŭ krainu na zarobki, vyrasła ŭ paŭtara raza ŭ paraŭnańni ź minułym hodam — z 21 tysiačy da 32 tysiač čałaviek. Za apošnija piać hadoŭ — bolš čym u try razy.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1818
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ18
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
eto možno tolko privietstvovať, nadiejuś, čto pośle padienija riežima ahrofiuriera eto takžie ostanietsia radi biezopasnosti našich dietiej i žienŝin.