21-hadovy junak atrymaŭ dva hady kałonii za koła, namalavanaje na Stele
Andrej Karešnikaŭ 14 žniŭnia namalavaŭ na skulptury Maci-Radzimy, jakaja znachodzicca la Steły, niejki niezrazumieły znak — «koła ź linijaj nad im». Sud vyrašyŭ, što hety ŭčynak varty 2 hadoŭ u kałonii.
Spravu razhladaŭ sud Centralnaha rajona. Chłopca abvinavacili ŭ chulihanstvie i apahańvańni historyka-kulturnych kaštoŭnaściaŭ.
Na pracesie Karešnikaŭ raspaviadaŭ, što z univiersiteta adličyŭsia jašče ŭ minułym hodzie, na hety momant nie pracuje.
«Ź jaho słoŭ, viadzie niejkija ŭłasnyja prajekty i pravodzić pryvatnyja daśledavańni. Hrošy, kaža, u jaho jość, bo žyvie z baćkami. Nu i niešta niedzie zarablaje sam. Raniej da kryminalnaj adkaznaści nie pryciahvaŭsia.
U chulihanstvie Karešnikaŭ vinu svaju pryznaje. Nie pryznaje vinavataść pa druhim artykule, bo nie viedaŭ, što abielisk, jaki jon vyrašyŭ apahanić, źjaŭlajecca historyka-kulturnaj kaštoŭnaściu, maje nacyjanalnaje značeńnie i darahi biełaruskamu narodu», — pisała pra sud SB.
Sud vyrašyŭ, što chłopiec vinavaty pa kožnym z artykułaŭ KK. 12 listapada byŭ ahučany vyrak: 2 hady kałonii ahulnaha režymu.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary