U finale mižnarodnaha konkursu pieśni «Jeŭrabačańnie‑2009» uradženiec Biełarusi Alaksandr Rybak, jaki pradstaŭlaje Narviehiju, vystupić pad 20‑m numaram.
Taki vynik losavańnia, jakoje prajšło padčas pres‑kanfierencyi pieramožcaŭ druhoha paŭfinału.
Pavodle słoŭ vykanaŭcy,
heta ščaślivaja dla jaho ličba, tamu jon vielmi rady.
Zhodna z rehłamientam pres‑kanfierencyi, kožnamu artystu možna było zadać dva pytańni. Atrymaŭšy prava zadać pieršaje pytańnie, Pieršy muzyčny kanał (Biełaruś) pieradaŭ A.Rybaku dysk ź videavinšavańniem z dniom naradžeńnia, jaki zapisała jaho babula, što žyvie ŭ Biełarusi (13 maja śpievaku spoŭniłasia 23 hady).
Druhoje pytańnie zadała MuzTV (Rasija): ci svabodnaje serca artysta i jakim dziaŭčatam jon addaje pieravahu. «Serca svabodnaje. Pakłońnic u mianie šmat, tamu jość z kaho vybirać. Addaju pieravahu ruskim dziaŭčatam», — adkazaŭ vykanaŭca.
Finał «Jeŭrabačańnia‑2009» adbudziecca 16 maja.
U im voźmuć udzieł pradstaŭniki 25 krain:
Turcyi, Šviecyi, Izraila, Partuhalii, Malty, Finlandyi, Bośnii i Hiercahaviny, Rumynii, Armienii, Isłandyi, Azierbajdžana, Charvatyi, Ukrainy, Litvy, Ałbanii, Małdovy, Danii, Estonii, Narviehii, Hrecyi, Francyi, Ispanii, Vialikabrytanii, Hiermanii i Rasii.
Pačatak u 22:00
Nie prajšli ŭ finał Biełaruś (Piotr Jałfimaŭ), Čarnahoryja, Čechija, Bielhija, Andora, Šviejcaryja, Bałharyja, Makiedonija, Irłandyja, Łatvija, Sierbija, Polšča, Kipr, Słavakija, Słavienija, Vienhryja i Niderłandy.
Kamientary