Prakuratura papiaredziła Kasabuckaha i Lepina za ich krytyčnyja vykazvańni
Biskupu Minska-Mahiloŭskaj archidyjacezii Juryju Kasabuckamu i pres-sakrataru BPC Siarhieju Lepinu abvieščany aficyjnyja papiaredžańni ab niedapuščalnaści parušeńnia zakonu, paviedamlaje pres-słužba Hienieralnaj prakuratury.
Nahadajem, raniej Kasabucki i Lepin krytyčna vykazalisia nakont demantažu miemaryjała pamiaci, uźviedzienaha ŭ suviazi sa śmierciu Ramana Bandarenki.
«U zajavach u zaviedama biezapielacyjnaj ahresiŭnaj tanalnaści vykarystoŭvajucca vyznačanyja terminy i abaroty («ździek z partreta zabitaha», «navošta hetaje sataninskaje pataptańnie łampad i abrazkoŭ» i inš.), što śviadoma pavyšajuć uzrovień napružanaści ŭ hramadstvie, jakija raspalvajuć nianaviść da pradstaŭnikoŭ orhanaŭ dziaržaŭnaj ułady, u tym liku pravaachoŭnych orhanaŭ, i, jak śledstva, varožaść u dačynieńni da zhadanych sacyjalnych hrup nasielnictva», — havorycca ŭ paviedamleńni.
U prakuratury adznačajuć, što padobnyja dziejańni niedapuščalnyja i nieprymalnyja, bo «padachvočvajuć hramadzian da ahresii, procipraŭnych dziejańniaŭ, vyrašeńnia pytańniaŭ niekanstytucyjnym šlacham».
«Bolš za toje, takija vykazvańni supiarečać artykułu 16 Kanstytucyi Respubliki Biełaruś, jaki zabaraniaje dziejnaść relihijnych arhanizacyj, ich orhanaŭ i pradstaŭnikoŭ, nakiravanuju suprać hramadzianskaj zhody», — havorycca ŭ paviedamleńni.
Što zapisana aficyjnaj pryčynaj śmierci adzinaha syna Jarmošynaj?9
Kamientary