Piša ŭ svaim fejsbuku Valer Karbalevič.
Ułady paśladoŭna začyščajuć biełaruskuju palityčnuju prastoru ad bieł-čyrvona-biełaj simvoliki.
Za vyviešvańnie nacyjanalnaha ściaha na bałkonie ci navat bializny adpaviednych koleraŭ na haspadaroŭ kvater zavodziać administracyjnyja spravy. Razburajuć kanstrukcyi ŭ dvarach damoŭ («Ejfieleva vieža»), jakija vykarystoŭvajucca dla vyviešvańnia bieł-čyrvona-biełych ściahoŭ. Rychtujucca na zakanadaŭčym uzroŭni zabaranić nacyjanalnyja ściah. Dziaržaŭnaja «Narodnaja hazieta» źmianiła deviz «Žyvie Biełaruś!», pad jakim vychodziła 30 hadoŭ, na słohan «Žyvi i kvitniej, Biełaruś!».
Adnačasova na dziaržaŭnych ustanovach vyviešvajucca aficyjnyja ściahi. Dasiul jany źjaŭlalisia tolki padčas dziaržaŭnych śviataŭ. Ciapier visiać uvieś čas. Sprabavali navat na aŭtazakach vyviešvać.
Vajna ściahoŭ — heta jašče adzin cikavy fienomien biełaruskaj revalucyi.
Ale ŭžo ciapier lohka možna dać prahnoz, jaki ściah u niedalokaj budučyni stanie dziaržaŭnym ściaham Biełarusi.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary