U vypadku pryniaćcia zakonu, užo ŭ 2016 hodzie kožny aŭtamabil na 100 km budzie raschodavać u siarednim 6,5 litraŭ paliva mieniej.
U vypadku pryniaćcia zakonu, užo ŭ 2016 hodzie kožny aŭtamabil na 100 km budzie raschodavać u siarednim 6,5 litraŭ paliva mieniej.
Administracyja Abamy abvieściła płan pavyšeńnia ekanamičnaści aŭtamabilaŭ na 40%. Adzin z hałoŭnym punktaŭ płanu — abmiežavańnie raschodu paliva lehkavikami prykładna da 6,6 ł na 100 km. Dziela hetaha buduć masava ŭvodzicca ruchaviki novych, daražejšych typaŭ.
Heta vykliča rost cany aŭtamabilaŭ i pryviadzie da źnižeńnia prodažaŭ vialikich mašynaŭ, jakija tak papularnyja ŭ Amierycy. Pikapaŭ kštałtu Chevrolet Silverado i Dodge Ram, a taksama minivenaŭ-vialikasiamiejnikaŭ typu Chrysler minivan i Chevrolet Traverse pačnuć vypuskać mienš.
Meta novaha płanu — źmienšyć spažyvańnie paliva Štatami. Na siońnia ZŠA impartuje vializnuju dolu spažyvanaj nafty, što tym samym zvodzić u minus zamiežnahandlovy bałans i daje vializnyja kapitały ŭ ruki aŭtarytarnych režymaŭ naftazdabyvajučych krainaŭ.
Meta numar dva — źmienšyć vykidy škodnych rečyvaŭ u atmaśfieru, jakija vyklikajuć parnikovy efiekt i padryvajuć zdaroŭje ludziej.
Ambitny płan Abamy napeŭna sutykniecca z supracivam jak z boku prostych amierykancaŭ, u jakich luboŭ da krutych tačak u kryvi, tak i z boku aŭtamabilnaha łobi. Uratavańnie ledź žyvych hihantaŭ aŭtaindustryi, kancernaŭ “Krajśler” i “Dženerał motarz” zaležyć ad prodažaŭ.
Kali Abamu ŭdasca pravieści płan praz Kanhres, uviadzieńnie novych normaŭ vykliča revalucyju ŭ aŭtamabilebudavańni. U vypadku pryniaćcia zakonu, užo ŭ 2016 hodzie kožny amierykanski aŭtamabil na 100 km budzie raschodavać u siarednim 6,5 litraŭ paliva mieniej proci ciapierašniaha roŭniu.
Źnižeńnie zaležnaści ZŠA ad impartu paliva było adnym z asnoŭnych punktaŭ vybarčaj prahramy Abamy.
Novy płan abydziecca amierykanskim padatkapłatnikam nie tanna: Dziela jaho realizacyi Ministerstva enierhietyki ZŠA maje vyłučyć $25 młrd dalaraŭ dziaržaŭnych harantyj. Jašče $50 miljardaŭ budzie kaštavać Zakon ab abaronie klimatu. Cana lehkavika vyraście ŭ siarednim na $1300, adnak z časam ekanomija na bienzinie maje kampiensavać hetyja traty.
Kali takija normy ŭviaducca ŭ ZŠA, śledam na ich piarojdzie i rešta śvietu.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary