U ZŠA ekanamičny kryzis raźvivajecca nie pa najhoršym scenary, ale jość krainy, dzie spravy nie kiepskija, a zusim drennyja.
U ZŠA ekanamičny kryzis raźvivajecca nie pa najhoršym scenary, ale jość krainy, dzie spravy nie kiepskija, a zusim drennyja.
Jak vynikaje z apublikavanaj na minułym tydni ŭdakładnienaj statystyki, VUP Niamieččyny ŭ pieršym kvartale hetaha hodu źniziŭsia na 14,4% proci ŭzroŭniu 2008 hodu. Heta navat horš, čym u Rasii, dzie padzieńnie haspadarki dasiahnuła 9,5%.
Ciažkija časy pieražyvaje i Japonija, hetaksama zaležnaja ad ekspartu i impartu. Tam VUP źniziŭsia na 15,2%. Da krainaŭ rekardystaŭ dałučyłasia Mieksika — minus 21.5% u pieršym kvartale. Na padtrymku mieksikanskaj haspadarki MVF vyłučyŭ $47 młrd dalaraŭ.
U rytmie niamieckaj skaračajecca i haspadarka krainaŭ Bałtyi i Ŭkrainy.
Kali takija tempy padzieńnia zachavajucca da kanca hodu, heta budzie aznačać dla mnohich krainaŭ śvietu paŭtareńnie scenaru Vialikaj depresii pačatku 1930‑ch. Nahadajem, što tady jano spryčyniłasia da spaŭzańnia SSSR, Niamieččyny, Ispanii dy dziesiatkaŭ mienšych krainaŭ u stan kryvavaha teroru.
Kamientary