Sud Drybinskaha rajona 4 studzienia 2021 hoda pakaraŭ miascovaha hramadskaha aktyvista Andreja Jurkova 15 sutkami administracyjnaha aryštu. Da hetaha sa žniŭnia minułaha hoda Jurkoŭ užo adsiedzieŭ 62 sutak administracyjnaha aryštu za ŭdzieł u akcyjach pratestu, paviedamlaje 6tv.by.
Drybinskija i horackija aktyvisty nie viedajuć, za što kankretna atrymaŭ svaje čarhovyja sutki Jurkoŭ na hety raz, bo na sudzie nichto ź ich nie prysutničaŭ. Nie atrymałasia patrapić na sud u Drybinie i svajakam Andreja. U zał suda Jurkova dastavili prosta ź IČU, dzie jon adbyvaŭ papiaredniaje pakarańnie ŭ 5 sutak administracyjnaha aryštu, taksama nakładzienaje sudom Drybinskaha rajona.
Siabry Jurkova zaraz miarkujuć, što padstavaj dla čarhovaha aryštu 4 studzienia stała videa, jakoje napiaredadni Novaha hoda aktyvist vykłaŭ na svajoj staroncy ŭ sacyjalnaj sietcy. Na videa aktyvist na łyžach u bieł-čyrvona-biełym šaliku vykazvaje ŭpeŭnienaść u nieminučaj pieramozie.
Za ŭdzieł u akcyjach pratestu Andreja Jurkova ŭ listapadzie minułaha hoda zvolnili z pracy ŭ vučhasie BDSHA ŭ Horkach.
Andrej Jurkoŭ — viadomy ŭ Horkach, Drybinie i Mścisłavie hramadski aktyvist. Jon nieadnarazova ŭdzielničaŭ u vybarčych kampanijach roznaha ŭzroŭniu. Na parłamienckich vybarach 2019 hoda, zhodna ź infarmacyjaj CVK, za A. Jurkova prahałasavała 7,21% ad ahulnaj kolkaści vybarščykaŭ akruhi.
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary