Viadomy šansańje, jaki dniami vyzvaliŭsia z kałonii, raskazaŭ pra svaje ŭzajemaadnosiny z byłym hiendyrektaram MTZ Michaiłam Lavonavym i byłym kiraŭnikom «Džem-banka» Alaksandram Tataryncavym.
Viadomy šansańje, jaki dniami vyzvaliŭsia z kałonii, raskazaŭ pra svaje ŭzajemaadnosiny z byłym hiendyrektaram MTZ Michaiłam Lavonavym i byłym kiraŭnikom «Džem-banka» Alaksandram Tataryncavym.
— Viktar, raskažycie, ź jakimi pačućciami vyjšli na svabodu?
— Pačućciaŭ amal nie było. Dakładniej, ich vielmi ciažka vyznačyć. Sprava ŭ tym, što ja vyjšaŭ na volu z ŠIZA, dzie adsiadzieŭ 13 sutak u kamiery pry tempieratury pryblizna plus 8. Nastolki zamiorz, što prychodziłasia rabić pa paŭtary-dźvie tysiačy adciskańniaŭ, kab nie zachvareć albo nie pamierci ad choładu. I tut raptam vychodziš na volu, a tam leta, siabry, šampanskaje… I ŭsio heta na hałodny straŭnik! Kaniešnie, adrazu ŭlacieŭ. Heta byŭ kankretny palot u astrał, i byccam by moj šatł spyniŭsia niedzie ŭ kaśmičnaj prastory pamiž Alfaj i Amiehaj. Ja navat peŭny čas nie moh zrazumieć, dzie dakładna znachodžusia. Viadoma, što ciapier pačućci prosta zaškalvajuć. I siabry pobač sa mnoj usie hetyja dni…
— Značyć, jany sustrakali Vas z šampanskim?
— Tak. Ale nas paprasili, kab kala kałonii było maksimum dźvie-try mašyny. I kab nie było nijakaha telebačańnia, kab nie rabili z majho vyzvaleńnia šou. Maja siastra, jakaja zajmałasia arhanizacyjaj majoj sustrečy, dała słova kiraŭnictvu kałonii, što ŭsio tak i budzie. Tamu vitali mianie tolki samyja-samyja blizkija.
— Cikava, čamu Vas navučyŭ hety turemny dośvied?
— Ja sam pa sabie čałaviek vyklučna emacyjanalny i rezki pa žyćci. Ludzi, jakija viedali mianie da turmy i sustreli paśla, adznačyli, što heta dva absalutna roznyja čałavieki. Ciapier flehmatyčna staŭlusia da niekatorych rečaŭ.
Ja napisaŭ u turmie knihu, kala 200 vieršaŭ, prykładna 80 piesień. A ŭsio heta možna napisać, tolki znachodziačysia ŭ stanie poŭnaha transu, navat abstrakcyi.
Ščyra kažučy, ja i sam zaŭvažyŭ, što pierastaŭ reahavać na niejkija momanty, na jakija raniej reahavaŭ davoli chvaravita i žorstka. Ale, razumiejecie, kab nie siadzieć ad zvanka da zvanka, mnie treba było nadzieć masku. Kab vyžyć i vyjści. A masak hetych u mianie ceły harderob…
— A jaki Vy biez maski?
— Ja bačyŭ siabie biez maski. Ale ž… Heta taksama maska.
— Na niekatorych sajtach aktyŭna abmiarkoŭvałasia Vaša vyzvaleńnie. Asobnyja ludzi pytalisia, ci zrabili Vy sabie ŭ turmie jakuju-niebudź tatuiroŭku, tak by mović, na pamiać?
— U mianie ŭžo jość tatuiroŭka: kolki hadoŭ tamu zrabiŭ jaje ŭ «Lisicy». Heta, kaniešnie, tvor mastactva, i ja b chacieŭ jaho darabić. A turemnych tatuirovak u mianie nikoli nie było, ja navat usiudy ich vyśmiejvaŭ. Liču, što ich možna zrabić pa hłupstvie albo małalectvie.
— Niaŭžo i knihu turemnych uspaminaŭ pisać nie budziecie?
— Užo napisaŭ, nazyvajecca «Dziońnik aryštanta». Ja tam pišu pra toje, kim byŭ, što za ludzi byli pobač sa mnoj. Na maju dumku, heta budzie biestsieler. Adnačasova vyjdzie ŭ śviet «Na miažy» — praciah majoj pieršaj knihi «Hienierały dvaroŭ». Kniha była napisana da majoj pasadki i pabačyć śviet užo hetaj vosieńniu.
— Viedaju, što Vy pisali na imia kiraŭnika dziaržavy prašeńnie ab pamiłavańni…
— Tak, ale da prezidenta možna źviarnucca tolki raz na hod. I ja tolki adnojčy zrabiŭ heta. Pisaŭ dziela žonki Śviatłany. Ale z toj pryčyny, što ja nie pryznaŭ siabie vinavatym, mianie nie pamiłavali. I da kiraŭnika dziaržavy majo prašeńnie, zrazumieła, nie dajšło, bo jaho razhladała kamisija pa pamiłavańni, čalcy jakoj zrabili vysnovu: kali Kalina nie pryznaje viny, značyć, niachaj siadzić.
— Kali nie pamylajusia, Vy z žonkaj skasavali šlub. Heta byŭ farmalny razvod albo…
— Ja b chacieŭ, kab na hetyja pytańni adkazała maja žonka. Jana zaraz u Smalensku. Dniami vierniecca, i vy zmožacie ź joj pahutaryć. Razvod afarmlaŭsia jak farmalny. A dalej adbyvalisia roznyja momanty. My vienčanyja ź joj u Smalenskim chramie i bolš uvahi ŭdzialajem carkoŭnamu błahasłaŭleńniu, čym dziaržaŭnaj rehistracyi. Ale na dadzieny momant my dumajem, być nam razam albo pajści dalej pobač. A ŭsie astatnija kamientary vam daść maja žonka. Ja liču, što tak budzie pravilna.
— Padzialiciesia płanami na budučyniu. Zaviazać z šou-biźniesam nie płanujecie?
— A navošta?
U mianie ž była samaja krutaja pijar-kamanda za ŭsiu historyju nie tolki biełaruskaha, ale i rasijskaha šou-biźniesu. Ja maju na ŭvazie śledčych i apieratyŭnikaŭ, jakija zrabili mnie pramoŭšen.Nu, niachaj, ja pajmieŭ stračanuju vyhadu, ale pry hetym usio roŭna zarabiŭ amal miljon! Pahladzicie, kolki čałaviek zarehistravałasia na majoj staroncy na papularnym rasijskim sajcie «V kontaktie»! Amal try tysiačy čałaviek usiaho za niapoŭnyja dva miesiacy!
— Viedaju, što Vy siadzieli razam z byłym dyrektaram MTZ Michaiłam Lavonavym. Ź jakimi jašče ludźmi daviałosia paznajomicca ŭ kałonii?
— Ź Lavonavym my byli ŭ adnym atradzie i navat u adnym kubryku (heta kali 24 čałavieki znachodziacca razam u adnym pakoi). Uvohule tam było šmat prystojnych ludziej. U mianie skłalisia dobryja adnosiny z byłym kiraŭnikom «Džem-banka» Alaksandram Tataryncavym.Ja vielmi jaho pavažaju. Uvohule, zaraz u kałonii «zajazdžaje» bolš kamiersantaŭ, čym niejkich kryminalnikaŭ. Viedajecie, kali zachočaš znajści sabie prystojnaje tavarystva, to znojdzieš jaho navat u turmie. Za kratami ŭ mianie źjaviłasia 5—7 novych siabroŭ. Usie jany adbyvajuć pakarańnie za ekanamičnyja złačynstvy. I terminy im prysudzili vielmi vialikija…
— Niekatoryja paśla turmy źjazdžajuć za miažu. Albo padlekavacca, albo nazusim, kab pačać usio ź biełaha lista…
— U mianie ŭ Maskvie jość kvatera. I zaraz ja mianiaju hramadzianstva na rasijskaje.
Dumaju, da kanca červienia budu ŭžo hramadzianinam Rasii. Biełaruś ja lublu i zaŭsiody lubiŭ.Vosieńniu maju namier pravieści tut vialiki hastrolny tur — abjechać 50 haradoŭ. Pakul ža ja znachodžusia ŭ baćkoŭ u Barysavie, bo minskaja kvatera zdadziena, i niama sensu vyhaniać ludziej. U listapadzie, paśla zaviaršeńnia hastrolnaha tura, ja maju namier źjechać u Maskvu.
***
12 červienia 2007 h. Viktar Kalina byŭ asudžany Pieršamajskim sudom stalicy na piać z pałovaj hadoŭ pazbaŭleńnia voli, jahonaja žonka Śviatłana — na čatyry z pałovaj hady pazbaŭleńnia voli. V. Kalinu inkryminavalisia machlarskija dziejańni, jakija jon učyniŭ dla atrymańnia strachoŭki za nibyta vykradzieny aŭtamabil. V.Kalina abvinavačvaŭsia ŭ arhanizacyi machlarstva ŭ asabliva bujnym pamiery (č. 4 art. 16 i č. 4 art. 209 KK), arhanizacyi zaviedama padmannaha danosu (č. 4 art. 16 i č. 2 art. 400 KK) i zaviedama padmannym pakazańni (č. 2 art. 401 KK). S. Kalina abvinavačvałasia va ŭčynieńni machlarstva ŭ asabliva bujnym pamiery (č. 4 art. 209 UK).
Kamientary