Druhoje sudovaje pasiadžeńnie pa spravie suprać błohieraŭ Kabanava i Piatruchina adbyłosia bieź ich
Sud Kastryčnickaha rajona Mahilova 16 lutaha praciahnuŭ razhlad kryminalnaj spravy suprać bresckich błohieraŭ Siarhieja Piatruchina i Alaksandra Kabanava. Ale samich palitviaźniaŭ u sud nie dastavili. Ich vydalili ź pieršaha sudovaha pasiadžeńnia. Tady sudździa Volha Kraŭčanka zrabiła błohieram niekalki zaŭvahaŭ, paśla čaho jany paprasili vydalić ich zały suda. Nieviadoma — ci budzie razhladacca hetaja kryminalnaja sprava biez abvinavačanych, paviedamlajuć pravaabaroncy.
Błohiera z Bresta Siarhieja Piatruchina abvinavačvajuć pa art. 342 («Arhanizacyja ci padrychtoŭka masavych biesparadkaŭ»), art. 369 («Abraza pradstaŭnika ŭłady») i art. 391 («Abraza sudździ») Kryminalnaha kodeksa. Alaksandra Kabanava abvinavačvajuć pa art. 342 («Arhanizacyja ci padrychtoŭka masavych biesparadkaŭ»), art. 369 («Abraza pradstaŭnika ŭłady»).
Siońnia adbyłosia druhoje sudovaje pasiadžeńnie, na jakim vystupiŭ adzin z paciarpiełych, jaki paprasiŭ kampiensacyju ŭ 1500 rubloŭ.

-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?

Kamientary