Aŭstralijskija karystalniki Facebook bolš nie buduć bačyć naviny ŭ sacyjalnaj sietcy. Tak kampanija adkazała na prapanavany aŭstralijskim uradam zakon, zhodna ź jakim Facebook budzie abaviazany dzialicca dachodami sa ŚMI.
Ź siońniašniaha dnia aŭstralijcy nie majuć dostupu da staronak miascovych i mižnarodnych ŚMI ŭ Facebook. Da taho ž karystalniki sacyjalnaj sietki za miežami Aŭstralii nie mohuć prahladać publikacyi aŭstralijskich ŚMI, paviedamlaje BBC.
Aŭstralijski ŭrad raskrytykavaŭ dziejańni Facebook i zajaviŭ, što takim čynam sacyjalnaja sietka prademanstravała «vializnuju rynkavuju moc ličbavych hihantaŭ». Było adznačana, što taki krok z boku Facebook nie paŭpłyvaje na namier pryniać novy zakon.
Błakavańnie staronak ŚMI vyklikała niehatyŭnuju reakcyju ŭ aŭstralijskim hramadstvie, bo dla mnohich Facebook byŭ srodkam atrymańnia terminovaj infarmacyi ab nacyjanalnych katastrofach i pandemii. Niekatoryja nazyvajuć takija dziejańni sacyjalnaj sietki antydemakratyčnymi.
Choć Aŭstralija i nie źjaŭlajecca vialikim rynkam dla Facebook, kampanija aścierahajecca, što inšyja krainy pačnuć pierajmać aŭstralijski prykład. Takim čynam Facebook pakazvaje, jakija mohuć być nastupstvy, kali ŭrady inšych krain taksama vyrašać prymianić padobny zakon.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary