Naziralnik Alaksandr Ahrajcovič atrymaŭ dva hady chimii za parłamienckija vybary-2019, choć prakuror prasiŭ udvaja mienš
Sud Zavodskaha rajona asudziŭ 36-hadovaha pradprymalnika Alaksandra Ahrajcoviča da dvuch hadoŭ abmiežavańnia voli z nakiravańniem u papraŭčuju ŭstanovu — «chimii». Abvinavačańnie zaprošvała termin udvaja mienš. Naziralnika pryznali vinavatym pa artykule 188 Kryminalnaha kodeksa. Spravu razhledzieŭ sudździa Dmitryj Astapienka. Dziaržabvinavačańnie pradstaŭlaŭ Zubik, paviedamlajuć pravaabaroncy.
Alaksandra Ahrajcoviča abvinavacili ŭ tym, što jon uźvioŭ paklop na pradstaŭnikoŭ vybarčaj kamisii padčas vybaraŭ u Pałatu pradstaŭnikoŭ u 2019 hodzie — 12 supracoŭnic škoły №187 h. Minska (vybarčy učastak — piać žyłych damoŭ pa vulicy Viery Charužaj). A mienavita — apublikavaŭ na svaim youtube-kanale «Dziońniki naziralnika» ŭ mai 2020 hoda zahadzia łžyvyja źviestki pra čalcoŭ vybarčaj kamisii, što źnievažajuć ich honar i hodnaść.
U videa Ahrajcovič adznačyŭ, što jany źjaŭlajucca falsifikatarami vybaraŭ i ŭ pieryjad daterminovaha hałasavańnia ździejśnili padrobku dakumientaŭ.
Alaksandr Ahrajcovič u apošnim słovie vinu nie pryznaŭ. «Na momant majho ŭdziełu ŭ kampanii ŭ jakaści naziralnika, jak i na momant zdymkaŭ videa, ja ŭpeŭnieny, što vybary sfalsifikavanyja, — padkreśliŭ jon. — 11 čałaviek z kamisii potym byli ŭ kamisii pa prezidenckich vybarach: pa ich danych, na parłamienckija vybary ŭ asnoŭny dzień pryjšło bolš ludziej, čym na prezidenckija — što tut kazać. Administracyja źniščyła adzinyja dakumienty, jakija paćviardžali falsifikacyju na vybarach: śpisy vybarščykaŭ, jakija majuć prava hołasu».
38-hadovaha vajskovaha lotčyka sudziać za abrazu Łukašenki1
Kamientary