Jak padpisacca na «Našu historyju», «Aściarožna: dzieci!», «Dudu» anłajn. Padrabiazna tłumačym
Anłajn-padpiska — najmienš enierhazatratny sposab atrymać časopisy «Naša historyja», «Dudu» i «Aściarožna: dzieci!». A jašče i samy tanny: padpiska na miesiac na «Našu historyju» abydziecca ŭ 5,49 rubla, «Dudu» — 2,89, «Aściarožna: dzieci» — 3,13.
Padrabiazna tłumačym, jak padpisacca na našyja vydańni anłajn.
1. Zachodzim na sajt «Biełpošty», na hałoŭnaj staroncy naciskajem akienca «Aformić padpisku».
2. Dalej šukajem patrebnaje vydańnie. Možna adšukać pa naźvie (uvaha: litaru «i» nabiarycie abaviazkova łacinskaj raskładkaj, inakš «Naša historyja» nie znojdziecca — i heta, jak vy razumiejecie, nie my tak pisali), a možna pa padpisnym indeksie:
- «Naša historyja» — 00469
- «Aściarožna: dzieci!» — 75080
- «Dudu» — 75081
3. Naciskajecie na vyjavu — vas pieranakiroŭvaje na staronku padpiski. Tut užo naciskajcie na kryžyk u radku «Dadać indeks padpiski».
4. Vybirajecie ŭkładku «Fizičnym asobam», naciskajecie na pole z padpisnoj canoj, pad im źjaŭlajecca tablica ź miesiacami padpiski, kab abrać miesiac — naciśnicie na jaho. Dalej abirajcie — «Dadać u košyk».
Zvyčajna padpiska na nastupny miesiac zakančvajecca za 5—6 dzion da kanca miesiaca, to-bok padpiska na maj budzie ažyćciaŭlacca da 27 krasavika, kali vy zachočacie vypisać časopis na červień, treba budzie paśpieć da 26 maja.
5. Źjavicca paviedamleńnie: «Paśpiachova dadadziena ŭ košyk!». Pierachodzim da afarmleńnia zamovy — naciskajcie knopku «Pierajści» ŭ nižnim kucie.
6. Na nastupnaj staroncy ciśniem «Aformić».
7. Dalej sistema prapanuje vam uvajści ŭ asabisty kabiniet (kali vy afarmlajecie padpisku anłajn nie ŭpieršyniu, treba ŭvieści numar telefona i parol) abo zarehistravacca.
Tak vyhladaje staronka rehistracyi:
Paśla rehistracyi, vam na telefon pryjdzie 4-značny numar, uviadzicie jaho ŭ akiency:
8. Vaš zakaz zachavaŭsia ŭ asabistym kabiniecie ŭ raździele «Internet-padpiska». Naciskajecie na pole zakazu — źjaŭlajecca staronka afarmleńnia. U pieršym radku vybirajcie opcyju «Dastaŭka paštovych adpraŭleńniaŭ», dalej imia i proźvišča atrymalnika.
Adras pačynajcie ŭvodzić ź indeksa: sistema aŭtamatyčna prapanuje horad i śpis vulic, jakija adnosiacca da vašaha paštovaha adździaleńnia, praŭda, sama sistema ruskamoŭnaja, uličycie heta. Dalej uručnuju ŭvodźcie numar doma i kvatery — i zachoŭvajcie.
9. Na nastupnaj staroncy praviarajcie adras, kali ŭsio słušna, davajcie zhodu na Dahavor afierty i pierachodźcie da apłaty. Uvioŭšy źviestki z kartki, ciśniecie «Apłacić» — i zamova zroblenaja.
Pryjemnaha čytańnia!
Kvitancyja ab padpiscy budzie zachoŭvacca ŭ vašym asabistym kabiniecie.
Pa ŭsich pytańniach, źviazanych z padpiskaj, telefanujcie: (29) 707-73-29 (MTS) Taksama źviartajciesia na e-mail: [email protected] (z paznakaj «Padpiska»).
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj15
Kamientary