U Navahrudku prajšoŭ sudovy praces pavodle art. 391 KK (Abraza sudździ). Uładzisłava Šynkoviča pryznali vinavatym u źniavazie sudździ Lidskaha rajonnaha suda Maksima Fiłatava i 7 krasavika prysudzili da paŭtara hoda chimii, piša spring96.org.
Pavodle śledstva, 17 studzienia Šynkovič raźmiaściŭ u čacie adnaho z telehram-kanałaŭ dopis, u jakim daŭ rezkuju charaktarystyku sudździ Lidskaha rajonnaha suda Maksima Fiłatava.
Raniej Fiłataŭ 28 kastryčnika pavodle artykuła KaAP 23.34 (č. 3) zasudziŭ Uładzisłava Šynkoviča da administracyjnaha aryštu. Na dumku pravaachoŭnych orhanaŭ, tym samym Šynkovič pryniziŭ «honar i hodnaść» sudździ Fiłatava.
Razhlad spravy vioŭ sudździa Ihar Vaŭčok, dziaržaŭnym abvinavaŭcam vystupała pradstaŭnica prakuratury Darja Bielankova.
Uładzisłaŭ Šynkovič na sudovym pasiadžeńni pryznaŭ svaju vinu, ale admoviŭsia ad dačy pakazańniaŭ. Sud pryznaŭ, što publikacyja, vykładzienaja Šynkovičam, «nie źjaŭlajecca narmatyŭnaj formaj maŭlenčych znosin, utrymlivaje niehatyŭnuju acenku Fiłatava M. Ju. i vykazana ŭ nieprystojnaj formie».
Z ulikam usich abstavinaŭ sud prysudziŭ Šynkoviču 1 hod i 6 miesiacaŭ tak zvanaj «chimii».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary