FSB Rasii pakazała BIDEAZAPIS razmovy Fiaduty i Ziankoviča ŭ restaranie i ich zatrymańnia
U efiry prahramy «Viesti niedieli» ź Dźmitryjem Kisialovym na telekanale «Rośsija-1» pakazali kadry «apieratyŭnaj videazdymki FSB», na jakich Alaksandr Fiaduta i Juraś Ziankovič nibyta «abmiarkoŭvajuć adchileńnie («ustranienije») Łukašenki».
«Zadača numar adzin — adchilić samaha hałoŭnaha. Zadača numar dva — błakavać unutranyja vojski, błakavać AMAP. Zadača numar try — zaniać niekalki simvaličnych abjektaŭ u centry horada, u tym liku radyjostancyju, telebačańnie, kab my mahli začytać zvarot. I pažadana zabłakavać Minsk, kab nie mahli padciahnuć źniešnija vojski», — skazaŭ Ziankovič na videa.
«Jak minimum 30 čałaviek jašče <…> pavinny być internavanyja litaralna ŭ pieršuju hadzinu. Vykanaŭca abaviazkaŭ premjera aŭtamatyčna stanovicca vykanaŭcam abaviazkaŭ prezidenta, tamu jon pavinien być internavany», — dadaŭ Fiaduta.
Taksama ŭ prahramie skazali, što, pavodle źviestak FSB, Fiaduta i Ziankovič taksama płanavali prysvoić majomaść Łukašenki. A infarmacyju ab vyšejšych asobach jany atrymali ad chakieraŭ. «Našy chłopcy ŭzłamali sierviera MUS, KDB, Śledčaha kamiteta. Vypampavali ŭsie bazy danych. Usie asabistyja danyja my damo», — raspavioŭ Ziankovič.
Chto tyja siem čałaviek, kaho abvinavacili ŭ padrychtoŭcy zamachu na Łukašenku?
Što za studentka Uljana, ź jakoj na bali valsiravaŭ Łukašenka?18
Kamientary