U Aŭstralii pamior krakadził Biort — zorka kultavaha ŭ 1980-ja filma «Dandzi pa mianušcy «Krakadził»
Na momant śmierci Biortu było kala 90 hadoŭ, paviedamiła administracyja parka Crocosaurus Cove, u jakim žyŭ krakadził. Jon dasiahaŭ piaci mietraŭ u daŭžyniu i važyŭ 700 kiłahramaŭ, piša Bi-bi-si.
«Biort byŭ sapraŭdy adzinym u svaim rodzie. Jon byŭ nie prosta krakadziłam; jon byŭ siłaj pryrody i napaminam pra mahutnaść i vielič hetych nievierahodnych stvareńniaŭ», — havorycca ŭ paviedamleńni parka ŭ Facebook.
Reptylija žyła ŭ niavoli z 1980-ch hadoŭ, paśla taho jak jaje złavili na race Rejnalds. Biort staŭ adnym z samych paznavalnych pradstaŭnikoŭ svajho vidu paśla vychadu filma «Dandzi na mianušcy «Krakadził» u 1986 hodzie. Film byŭ naminavany na «Oskar» za najlepšy scenar, jaki napisaŭ Poł Chohan, što vykanaŭ hałoŭnuju rolu ŭ filmie.
Z 2008 hoda Biort utrymlivaŭsia ŭ parku Crocosaurus Cove i byŭ adnym z samych viadomych jaho rezidentaŭ. Pavodle administracyi parka, u Biorta byŭ składany charaktar, i za ŭsio žyćcio jon tak i nie znajšoŭ sabie paru. U parku płanujuć ustalavać pamiatny znak u jaho honar.
-
Patryjarch Kirył maje padatkovy psieŭdanim Ivan Zacharavič Procharaŭ
-
«Nie na tym baku čałaviečnaści». Nietańjachu abvinavaciŭ lidaraŭ Brytanii, Francyi i Kanady ŭ zaachvočvańni CHAMAS
-
«My ŭsie ruskija». Deputat Dziaržaŭnaj dumy zajaviŭ, što meta vajny — stvaryć adzinuju dziaržavu Rasii, Biełarusi i Ukrainy
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia41
Kamientary