Pa ŭsioj Rasii pratestavali prychilniki Navalnaha. Zatrymanyja sotni čałaviek VIDEA
U Jekacierynburhu, pa acenkach niezaležnych žurnalistaŭ, u sieradu pratestavali 13 tysiač čałaviek. U Piermi — kala 8 tysiač. Heta najbujniejšyja palityčnyja akcyi ŭ hetych haradach z 1991 hoda.
Prychilniki rasijskaha apazicyjaniera Alaksieja Navalnaha ŭ sieradu praviali akcyi pratestu. Jana prachodzić u Maskvie i jašče niekalkich dziasiatkach haradoŭ Rasii, ad Sibiry i Urała da poŭdnia i zachadu Rasii. Da jaje dałučacca niekalki haradoŭ za miažoj. Arhanizatary maskoŭskaj akcyi padavali zajaŭku na ŭzhadnieńnie mierapryjemstva, adnak im admovili.
Prychilniki palityka patrabujuć dapuścić da jaho lekaraŭ. Za dzień da pratestaŭ Navalnaha pieraviali ŭ stacyjanar balnicy ŭ inšaj kałonii Uładzimirskaj vobłaści, ale daktaroŭ da jaho tak i nie puścili. Jon praciahvaje haładoŭku.
Akcyi nie ŭzhodnienyja.
Papiarednija akcyi ŭ padtrymku Navalnaha, jakija prachodzili sioleta, supravadžalisia masavymi zatrymańniami. Byli raspačatyja kryminalnyja spravy — ab napadzie na palicejskich i ab parušeńni sanitarna-epidemijałahičnych normaŭ.
MUS acaniła kolkaść udzielnikaŭ akcyi ŭ Maskvie ŭ 6 tysiač čałaviek. Pa acency telekanała «Doždž», ich kala 10 tysiač.
Rasijskija ŚMI paviedamlajuć pra sotni zatrymanych.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary