500 čałaviek ŭziali ŭdzieł u Kanhresie Statkieviča
Apazicyja praviała pieršy Kanhres pa vyłučeńni kandydata ŭ prezidenty na nastupnyja vybary. Jaho inicyjataram byŭ staršynia arhkamitetu BSDP «Narodnaja hramada» i były palitviazień Mikoła Statkievič.
Apazicyja praviała pieršy Kanhres pa vyłučeńni kandydata ŭ prezidenty na nastupnyja vybary. Jaho inicyjataram byŭ staršynia arhkamitetu BSDP «Narodnaja hramada» i były palitviazień Mikoła Statkievič. Padobnyja mierapryjemstvy taksama źbirajucca pravieści Abjadnanyja demakratyčnyja siły, a taksama Ruch za Svabodu.
Kanhres prachodziŭ u Pałacy kultury MTZ. Z ranicy tam prajšoŭ schod aktyvu siabroŭ Partyi BNF, jaki sklikaŭ Barščeŭski. Na zaklik staršyni adhuknułasia kala dvuchsot čałaviek. Šmat chto forum vyrašyŭ prabajkatavać. U tym liku adzin z najbolš imaviernych pierajemnikaŭ Barščeŭskaha na pasadzie kiraŭnika partyi — Alaksiej Janukievič.
Havaryli pra prablemy, ź jakimi ciapier sutykajecca Front. Asnoŭnaja častka vystupaŭ była pryśviečanaja budučym prezidenckim vybaram. Siabry partyi syšlisia ŭ mierkavańni, što na vybarach patrebien frontaŭski kandydat. Praŭda, šeść ź dziesiaci vyłučanych rajonnymi supołkami pretendentaŭ, blizkich da Alaksandra Milinkieviča, u razasłanym zahadzia liście nazvali schod niepravamocnym i paprasili ichnyja kandydatury na im nie razhladać.
Jašče niekatoryja źnialisia ŭ padtrymku Lavona Barščeŭskaha. U vyniku biezalternatyŭnaha hałasavańnia schod rekamiendavaŭ svajho staršyniu na ŭdzieł u prezidenckich vybarach. Barščeŭski paabiacaŭ nie rasčaravać.
Cikava, što nad scenaj u zali visieŭ vialiki čyrvona‑zialony ściah. Źniać jaho nichto nie advažyŭsia, bo dyrektar pałacu paabiacaŭ u advarotnym vypadku sankcyi suprać arhanizataraŭ. Viktar Ivaškievič na heta skazaŭ: kali nie chočacie bačyć hety ściah, to pieramahajcie na nastupnych vybarach.
Prykładna a pałovie na čaćviortuju BNF łaskava sastupiŭ zalu dla Kanhresu jeŭrapiejskaha vybaru, jakomu Minharvykankam u pamiaškańni admoviŭ. Darečy, častka siabroŭ Frontu syšła, a častka zastałasia.
Pa vizualnych padlikach u zali było bolš za piaćsot čałaviek, ale ciažka skazać, ci ŭsie jany byli delehatami.Mikoła Statkievič kaža, što ŭsie subjekty kaalicyi vykanali svaje kvoty. «Narodnaja hramada» pryviała na mierapryjemstva 250 čałaviek, ruch «Razam» Viačasłava Siŭčyka i Alaksandra Makajeva — 200, arhkamitet sacyjał‑demakratyčnaj partyi «Svaboda» Siarhieja Skrabca — 100.
Ad apošniaj ludzi byli dosyć dziŭnyja. Ad niekatorych chłopcaŭ, miakka kažučy, patychała ałkaholem. (Hladzicie fotarepartaž z Kanhresu na našym sajcie nieŭzabavie.) Asablivaj cikavaściu da taho, što robicca ŭ zali, jany taksama nie vyłučalisia.Užo pa źjeździe čuŭ, jak adna žančyna‑delehat kazała surazmoŭcu: «Narešcie daviedałasia, chto taki Skrabiec».
Kanhres prachodziŭ u imklivym tempie. Asablivych abmierkavańniaŭ adnosna stratehii i dekłaracyj nie było. Usie jany napiaredadni byli nadrukavanyja ŭ «Narodnaj voli». Prapanavałasia ich zaćvierdzić. Chiba što niekatoraje ažyŭleńnie vyklikała replika ab zamienie ŭ tekstach «ruskaj movy» na «rasijskuju». Zhadzilisia na takija źmieny.
Ad pačatku nie płanavałasia, što Kanhres abiare adzinaha ad «Jeŭrapiejskaj kaalicyi». Adnak na spravie vyjšła inakš.
Hałoŭny redaktar «Borisovskich novostiej» Anatol Bukas prapanavaŭ Mikołu Statkieviča,a były palitviazień Cimoch Drančuk — svajho novaha šefa Siarhieja Skrabca. Siŭčyk i Makajeŭ nikoha vyłučać nie stali.
Skrabiec źniaŭ svaju kandydaturu na karyść Statkieviča.
Takim čynam, Mikałaj Viktaravič zastaŭsia adzinym pretendentam. Za jaho prahałasavała bolšaść delehataŭ. Suprać vystupili tolki 11 čałaviek, jašče 22 ustrymalisia.
U svajoj inaŭhuracyjnaj pramovie Statkievič zaznačyŭ: «Ja nie źbirajusia ŭchilacca ad hetaj adkaznaści. Ja hatovy zmahacca. Ja kažu nie tolki za siabie. Za mnoj 17 pakaleńniaŭ majoj siamji, jakaja 600 hod słužyła Biełarusi. Ja daju słova honaru ad imia siabie i svaich prodkaŭ. Ja pajdu da kanca. Ja nie źviarnu».
Pieršy adziny kandydat ad apazicyi jość.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary