Učastak vulicy Bryleŭskaj zakryjuć na try miesiacy. Niekatoryja aŭtobusy pajeduć praz «Minsk Śviet»
Chutka pačnuć budavać učastak darohi, jakaja złučyć vulicu Kazinca i Virskuju. Na try miesiacy zakryjuć ruch pa častcy vulicy Bryleŭskaj. Častku maršrutaŭ ŭpieršyniu nakirujuć praz «Minsk-Śviet», piša Tut.by.
Dzie mienavita i kali pierakryjuć darohu?
Mierkavana z 1 maja pa 1 žniŭnia zakryjuć ruch usich vidaŭ transpartu, uklučajučy hramadski, pa vulicy Bryleŭskaj ad praśpiekta Žukava da vulicy lejtenanta Kižavatava. Voś jak vyhladaje ŭčastak, jaki pierakryjuć.
Jak aŭtobusy buduć abjazdžać?
Niekatoryja aŭtobusy nakirujuć pa vulicy Virskaj (jana idzie amal paralelna ŭčastku Bryleŭskaj, jaki zakryjuć), inšyja nakirujuć prosta praz kvartał «Minsk Śviet».
ruch aŭtobusaŭ maršrutu №45 arhanizujecca pa vulicach Kižavatava, Virskaj, Bryleŭskaj, Čkałava i dalej pa maršrucie ŭ abodvuch napramkach z usimi prypynkami na źmienienym učastku;
aŭtobusy №53 pojduć pa vulicach Kižavatava, Leanida Levina, Michaiła Savickaha, Białhradskaj, Aeradromnaj, Čkałava i dalej pa maršrucie ŭ abodvuch napramkach z takimi prypynkami na źmienienym učastku «»Bresckaja» pa vulicy Leanida Levina, «Avakiana» pa vulicy Aeradromnaj (u napramku dyśpietčarskaj stancyi «Družnaja»), «Stary aeraport» pa vulicy Aeradromnaj (u napramku Avakiana);
aŭtobusy №82S ad vulicy Kazinca pojduć pa Kižavatava, Leanida Levina, Michaiła Savickaha, Białhradskaj, Aeradromnaj i dalej pa maršrucie z takimi prypynkami na źmienienym učastku: «Bresckaja» pa vulicy Leanida Levina; z boku Sierabranki ŭ napramku kančatkovaha punkta Karžanieŭskaha — pa vulicach Aeradromnaj, Bryleŭskaj, Virskaj, Kazinca i dalej pa maršrucie z prypynkam «Karatkieviča» pa vulicy Virskaj;
aŭtobusy №107 u napramku DS «Kuncaŭščyna» pojduć pa vulicach Kazinca, Virskaj, Bryleŭskaj, praśpiekcie Žukava i dalej pa maršrucie z vykanańniem na źmienienym učastku prypynku «Kazinca» pa vulicy Virskaj, z boku DS «Kuncaŭščyna» ŭ napramku kančatkovaj na Karžanieŭskaha — pa praśpiekcie Žukava, vulicach Aeradromnaj, Białhradskaj, Michaiła Savickaha, Leanida Levina, Kižavatava, Kazinca i dalej pa maršrucie z takimi prypynkami na źmienienym učastku: «Bryleŭskaja» pa Aeradromnaj, «Bresckaja» pa Kižavatava;
dla aŭtobusaŭ № 82S, 84, 124 pieraniasuć prypynak «Avakiana» pry ruchu ŭ napramku vulicy Dzianisaŭskaj — na časovuju ŭładkavanuju placoŭku na 200 mietraŭ napierad za skryžavańniem z vulicaj Białhradskaj.
Kamientary