Jak stała viadoma «Viaśnie», pravaabaroncu i kaardynatarku vałanciorskaj słužby «Viasny» Marfu Rabkovu pastavili na prafiłaktyčny ŭlik jak «schilnuju da ekstremizmu». Pakul nieviadoma, jakim čynam heta adabjecca na jaje ŭmovach utrymańniach u SIZA-1, dzie jana znachodzicca ŭžo vośmy miesiac.
Raniej pravaabaronca Taćciana Hacura-Javorskaja raspaviadała, što 25 sakavika Marfa Rabkova razam z sukamiernicami adśviatkavała Dzień Voli, adzieŭšy biełaje adzieńnie i ŭploŭšy ŭ vałasy bieł-čyrvona-biełyja papiarovyja kvietki. Paśla hetaha kamiera była rasfarmavanaja. Paźniej «Viaśnie» stała viadoma, što za heta dvaich dziaŭčat źmiaścili ŭ karcer na 5 i 10 sutak.
Hacura-Javorskaja praviała z Marfaj u adnoj kamiery siem dzion da svajho raptoŭnaha vyzvaleńnia 15 krasavika.
Pravaabaronca Marfa Rabkova była zatrymanaja 17 vieraśnia 2020 hoda, a ŭ SIZA-1 utrymlivajecca z 19 vieraśnia. Jana abvinavačvajecca pa troch artykułach: č. 3 art. 293 Kryminalnaha kodeksa (Navučańnie ci inšaja padrychtoŭka asob da ŭdziełu ŭ masavych biesparadkach albo finansavańnie hetaj dziejnaści), č. 3 art. 130 (Raspalvańnie sacyjalnaj varožaści da ŭłady hrupaj niavyśvietlenych asob) i č. 2 art. 285 Kryminalnaha kodeksa (Udzieł u złačynnaj arhanizacyi). Pa hetych artykułach Marfie pahražaje da 12 hadoŭ pazbaŭleńnia voli.
Marfie niekalki razoŭ padaŭžali mieru strymańnia ŭ vyhladzie ŭtrymańnia pad vartaj. Apošni raz — da 19 červienia 2021 hoda.
-
$1.000.000 za ŭvachod na cyrymoniju i pjanka z «dobrymi ruskimi» — Prakopjeŭ raskazaŭ pra svoj dzień inaŭhuracyi Trampa ŭ Vašynhtonie
-
U Lepieli za «ekstremizm» sudzili žančynu, jakaja słužyć u vojsku
-
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?16
Kamientary