Łukašenka pra pandemiju: Apošnija miarzotniki hetyja jeŭrapiejcy i amierykancy, ničym nie dapamahli nam

— Apošnija miarzotniki hetyja jeŭrapiejcy i amierykancy. Jany ž ničym nie dapamahli nam absalutna. Choć i SAAZ, AAN i pastajanna zajaŭlajuć, što treba padtrymać niekaha dy inšaje. Nu nie dapamahli, i nie treba — nie prosim my ich. Nie, dyk treba ž zavincić hajki, treba pahoršyć tut situacyju (havorka, vierahodna, idzie pra sankcyi. — Tut.by). Hałoŭnaje pry hetym, my lačyli i budziem lačyć našych ludziej. I, daj Boh, hetaja prablema była ŭ nas likvidavanaja, tak jak ciapier jana likvidujecca. I my mahli lačyć ludziej z nadbaŭkami: kab my tych daktaroŭ, jakija pracujuć u «čyrvonych zonach» z kavid-chvorymi, my ich padtrymlivali, — zajaviŭ Łukašenka (cytata pa videa tielehram-kanała «Puł pieršaha»).

A jak na samaj spravie?

Jak raskazali Tut.by u pradstaŭnictvie Jeŭrasajuza ŭ našaj krainie, u ramkach prajekta «Salidarnaść u imia zdaroŭja», što finansujecca ES, na nabyćcio dla Biełarusi srodkaŭ indyvidualnaj abarony, lačebnaha i dyjahnastyčnaha abstalavańnia za hod było vydatkavana 3,8 młn dalaraŭ.

Pavialičyć

Tak, naprykład, u červieni minułaha hoda ŭ ramkach inicyjatyvy ES pa baraćbie z pandemijaj u krainach «Uschodniaha partniorstva» Biełaruś atrymała humanitarny hruz. Pastaŭka ŭklučała 3,6 młn srodkaŭ abarony, u tym liku 2,3 młn masak, 1 młn reśpirataraŭ, 50 tys. achoŭnych ščytkoŭ, 50 tys. achoŭnych akularaŭ i 80 tys. miedycynskich chałataŭ. Usio heta było zakuplena SAAZ na srodki Jeŭrapiejskaha Sajuza.

U krasaviku hetaha hoda ŭ ramkach prajekta «Salidarnaść u imia zdaroŭja», što finansujecca Jeŭrapiejskim Sajuzam, Krainavy ofis SAAZ dastaviŭ u Minsk kisłarodnyja maski z reziervuaram, aparaty dla vysokapłynievaj nazalnaj aksihienaterapii, ekspres-testy dla dyjahnostyki COVID-19 na ahulnuju sumu 850 tysiač dalaraŭ ZŠA.

Jak adznačyŭ na cyrymonii pieradačy hruzu kiraŭnik pradstaŭnictva Jeŭrapiejskaha Sajuza ŭ Biełarusi Dyrk Šubiel, «akazańnie dapamohi Biełarusi budzie praciahnutaje, a sumarny abjom pastaŭlenaha ŭ Respubliku abstalavańnia ŭžo skłaŭ 5,3 miljona dalaraŭ».

Jašče adzin prykład — padtrymka Nacyjanalnaha aeraporta Minsk u baraćbie z pandemijaj COVID-19. U ramkach prajekta «Padtrymka hatoŭnaści SAAZ i zachadaŭ u adkaz dla baraćby z pandemijaj COVID-19», što finansujecca Ahienctvam ZŠA ŭ mižnarodnym raźvićci (USAID), minski aeraport atrymaŭ ciepłavizary, srodki indyvidualnaj i kalektyŭnaj abarony ad COVID-19, a taksama dezynfikujučyja srodki.

• 0
• 0
• 0
• 0
• 0
• 0
• 0
• 0