Rabiŭ heta jepiskap Huryj ź inicyjatyvy rajonnaha DAI.
U niadzielu na terytoryi adździaleńnia DAI Słonimskaha RAUS adbyŭsia zbor uładalnikaŭ skuteraŭ i mapiedaŭ. Takoje mierapryjemstva naładzili supracoŭniki DAI.
Na sustreču pryjšło šmat uładalnikaŭ mapiedaŭ i skuteraŭ. Načalnik adździaleńnia DAI Słonimskaha RAUS Siarhiej Šeŭčyk nahadaŭ usim, što vadzicielu mapieda zabaraniajecca vykarystoŭvać technična niaspraŭnyja mapiedy, a taksama abstalavanyja z parušeńniem techničnych narmatyŭnych pravavych aktaŭ, zabaraniajecca pieravozić pasažyraŭ, za vyklučeńniem dziaciej va ŭzroście da siami hadoŭ na dadatkovym, śpiecyjalna abstalavanym siadzieńni, zabaraniajecca biez supravadžeńnia darosłaha kiravać mapiedam na darozie asobam, jakim nie spoŭniłasia šasnaccaci hadoŭ. Vadzicielu mapieda zabaraniajecca jeździć pa tratuarach, viełasipiednych i piešachodnych darožkach i h.d.
Paśla Siarhiej Šeŭčyk adkazaŭ na pytańni vadzicielaŭ. Najbolš pytańniaŭ da načalnika DAI było nakont taho, čamu nielha na skuterach jeździć dvum darosłym ludziam, ale možna na skutery pieravozić dziaciej da siami hadoŭ. Byli i inšyja pytańni, na jakija ŭładalniki mapiedaŭ i skuteraŭ pačuli peŭnyja adkazy. Akramia hetaha, jany atrymali pamiatki pra toje, što z praviłami ekspłuatacyi motasrodkaŭ i administracyjnaj adkaznaściu za parušeńnie PDR jany aznajomlenyja.
Na sustrečy supracoŭnikaŭ DAI z uładalnikami mapiedaŭ i skuteraŭ prysutničali archijepiskap Navahrudski i Lidski Huryj, a taksama inšyja pravasłaŭnyja śviatary z Žyrovičaŭ.
Jany aśviacili transpartnyja srodki słonimcaŭ i pažadali ŭsim ščaślivych daroh. Potym śviatary taksama aśviacili pierakryžavańni vulic našaha horada.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary