Uzdym Kitaja spryjaje mižnarodnaj niestabilnaści — amierykanski hienierał
Mark Mili paraŭnaŭ ciapierašniuju epochu z časami padzieńnia Ryma i raspadu Savieckaha Sajuza.
Śviet, mahčyma, ustupaje ŭ epochu «patencyjnaj mižnarodnaj niestabilnaści», čamu spryjaje rost Kitaja i źjaŭleńnie niebiaśpiečnych technałohij, takich jak štučny intelekt i robatatechnika, što mohuć nabyć vyrašalnaje značeńnie dla viadzieńnia vajny, papiaredziŭ amierykanski hienierał, staršynia Abjadnanaha kamiteta načalnikaŭ štaboŭ Mark Mili.
Jon paraŭnaŭ ciapierašniuju epochu ź inšymi hieapalityčnymi zruchami ŭ suśvietnaj historyi, u tym liku padzieńniem Ryma i raspadam Savieckaha Sajuza, paviedamlaje «Hołas Amieryki».
Pa słovach Mili, uzdym Kitaja mianiaje status-kvo paśla niekalkich dziesiacihodździaŭ, kali ZŠA, faktyčna, byli «biassprečnaj hłabalnaj vajskovaj, palityčnaj i ekanamičnaj dziaržavaj».
Jon papiaredziŭ, što hieapalityčnyja pieramieny supravadžajucca technałahičnymi inavacyjami ŭ halinie robatatechniki, hipierhukavoj zbroi, štučnaha intelektu i inšych technałohij.
«Jany nadzvyčaj razburalnyja i mohuć nabyć vyrašalnaje značeńnie ŭ viadzieńni vajny», — skazaŭ Mili.
Za niekalki dzion da vystupu Mili ministr abarony ZŠA Łojd Ościn papiaredziŭ, što Złučanym Štatam treba rychtavacca da patencyjnaha kanfliktu, mała padobnaha na «staryja vojny», jakimi doŭhi čas byŭ pahłynuty Pientahon.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary