«Mianie zabłakavali dvoje mužčyn». Da lidara strajkamu «Biełaruśkalija» pryjšli nieviadomyja
Da Alaksieja Bokuna, adnaho ź lidaraŭ strajkamu «Biełaruśkalija», siońnia ranicaj pryjšli «dvoje mužčyn u cyvilnym». Pra heta pa telefonie jon paśpieŭ paviedamić žurnalistu Tut.by.
Anatol raspavioŭ, što znachodzicca doma ŭ baćki i tam jaho «zabłakavali» nieviadomyja. Hetuju infarmacyju paźniej paćvierdzili ŭ stačkamie.
«Anatol Bokun paviedamiŭ, što nieviadomyja błakavali jaho ŭ domie ŭ baćkoŭ, chutčej za ŭsio, buduć zatrymlivać. Infarmacyja ŭdakładniajecca, chutčej za ŭsio pahražaje 30 sutak», — raspaviali ŭ stačkamie.
Znajomyja miarkujuć, što pretenzii da Anatola mohuć być z-za videazvarotu stačkamu da Dnia Voli. Apošnim časam mužčyna znachodziŭsia nie ŭ Salihorsku, a žyŭ u baćkoŭ u Kapylskim rajonie.
Stačkam aktyŭna viadzie pieramovy z kiraŭnictvam narviežskaj kampanii Yara, adnym z najbujniejšych partnioraŭ «Biełaruśkalija». Dniami Anatol Bokun paviedamiŭ, što Yara vyrašyła adpravić na pradpryjemstva svajho pradstaŭnika dla manitorynhu situacyi. Pra toje, jakija płany ŭ narviežcaŭ datyčna kantraktu z «Biełaruśkalijem», u stačkamie pakul nie viedajuć.
Anatola Bokuna zatrymlivali ŭžo šmat razoŭ. U žniŭni jaho aštrafavali na 25 bazavych vieličyń za ŭdzieł u niesankcyjanavanym masavym mierapryjemstvie i adpuścili paśla suda. Paśla hetaha zatrymali 31 žniŭnia i prysudzili 15 dzion administracyjnaha aryštu za parušeńnie paradku arhanizacyi abo praviadzieńnia masavych mierapryjemstvaŭ.
25 vieraśnia Anatolu Bokunu prysudzili jašče 25 sutak administracyjnaha aryštu pa dvuch artykułach, adnak paśla ich na volu jon nie vyjšaŭ, pakolki adrazu paśla jamu dadali jašče 15 sutak. Pra zatrymańnie lidara strajkamu paviedamlałasia taksama ŭ listapadzie i śniežni.
Čytajcie taksama: «Skasavańnie kantrakta — heta sychod nazaŭsiody»: Yara nakiruje na «Biełaruśkalij» naziralnika na paŭhoda
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii2
Kamientary