Rasijski dypłamat: «Paŭnočny patok — 2» zavieršać da kanca vieraśnia
Pasoł Rasii ŭ Bierlinie Siarhiej Niačajeŭ vykazaŭ nadzieju, što budaŭnictva hazapravoda «Paŭnočny patok — 2» budzie zavieršana jašče da vybaraŭ u Bundestah, jakija projduć 26 vieraśnia.
Važnaje značeńnie pry hetym, pa jaho słovach, buduć mieć umovy nadvorja. Pra heta jon zajaviŭ u intervju hiermanskamu redakcyjnamu abjadnańniu Redaktionsnetzwerk Deutschland, piša TASS.
«Pracy iduć, zastałosia pieraadoleć jašče amal 100 km», — adznačyŭ Niačajeŭ.
Pasoł nahadaŭ, što Maskva ŭžo bolš za 50 hadoŭ supracoŭničaje z Hiermanijaj u pytańniach pastavak hazu. «Navat u najhoršyja časy chałodnaj vajny heta pracavała. I ciapier staić pytańnie, ci chočam my €10 młrd pachavać na dnie mora. Rašeńnie pavinna prymać Jeŭropa», — padkreśliŭ Niačajeŭ.
Prajekt «Paŭnočny patok — 2» praduhledžvaje budaŭnictva dvuch nitak hazapravoda ahulnaj mahutnaściu 55 młrd kub. m u hod ad uźbiarežža Rasii praz Bałtyjskaje mora da Hiermanii.
Raboty byli prypynienyja ŭ śniežni 2019 hoda paśla taho, jak šviejcarskaja Allseas admoviłasia kłaści truby z-za mahčymych sankcyj z boku ZŠA. Sa śniežnia 2020 hoda budaŭnictva hazapravoda było adnoŭlenaje paśla hadavoj paŭzy. Hatoŭnaść «Paŭnočnaha patoku — 2» ciapier składaje 95%.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary