Dvoje zatrymanych pa «spravie Tut.by» znachodziacca doma. Miarkujučy pa ŭsim, jany pad chatnim aryštam
Juryst «Tut baj miedyja» Kaciaryna Tkačenka i były juryst kampanii Iryna Kaściučenka znachodziacca doma. Datelefanavacca da abiedźviuch nie atrymlivajecca. «Ź joj nielha źviazacca», paviedamiŭ svajak adnoj ź ich. Heta pakazvaje na toje, što abiedźvie mohuć być pad chatnim aryštam.
U jakim statusie znachodziacca Kaciaryna i Iryna, nieviadoma. Ich advakaty nie mohuć raskryvać hetuju infarmacyju, bo dali padpisku ab nierazhałošvańni, a aficyjnych kamientaroŭ paśla zajavy pravaachoŭnych orhanaŭ u dzień zatrymańnia pra toje, što zaviedzienaja kryminalnaja sprava ab uchileńni ad vypłaty padatkaŭ (č. 2 art. 243 KK Biełarusi), nie było, piša Tut.by ŭ svaim telehram-kanale.
Pad chatnim aryštam taksama znachodzicca ŭdava zasnavalnika Tut.by Juryja Zisiera Julija Čarniaŭskaja.
Pa «spravie Tut.by» prachodzić 15 čałaviek. Bolšaja častka ź ich znachodziacca pad vartaj u SIZA №1 i śledčym izalatary KDB.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary