Navuka i technałohii

Ekśpierty paćviardžajuć isnavańnie mikrachvalovaj zbroi, zdolnaj upłyvać na mozh

Takuju technałohiju raspracavała amierykanskaja kampanija, a taksama Rasija i, mahčyma, Kitaj.

Apošnija niekalki hadoŭ amierykanskija dypłamaty i špijony pačali skardzicca na simptomy tak zvanaha havanskaha sindromu — tajamničaha paškodžańnia mozha, vyklikanaha, chutčej za ŭsio, mikrachvalovaj zbrojaj nakiravanaha dziejańnia. Ciapier viadučyja amierykanskija ekśpierty paćvierdzili, što niekatoryja krainy ŭ apošni čas sapraŭdy zajmalisia stvareńniem takoj zbroi.

U 2004 hodzie pratatyp takoj zbroi, što atrymaŭ nazvu Medusa, byŭ stvorany amierykanskaj kampanijaj dla marskoj piachoty. Raspracoŭniki źbiralisia zrabić nastolki małuju zbroju, kab jaje možna było źmiaścić u mašynie. Jana pavinna była časova vyvodzić čałavieka sa stroju, ale pry hetym imaviernaść śmierci ci chraničnaj traŭmy pavinna była być nizkaj, piša Guardian.

Pry hetym navukoŭcy, painfarmavanyja nakont stanu prajekta, kažuć, što jon byŭ zhornuty praź nieetyčnaść ekśpierymientaŭ na ludziach. Adnak isnujuć źviestki, što pytańnie etyki nie spyniła inšyja krainy — Rasiju i, mahčyma, Kitaj. Jak śćviardžaje Džejms Džardana, amierykanski nieŭrołah i daradčyk urada padčas adnoj z uspyšak havanskaha sindromu, takuju zbroju raspracoŭvali jašče ŭ byłym Savieckim sajuzie. Paśla jaho raspadu Rasija i jaje susiednija krainy-sajuźniki adnavili pracu nad mikrachvalovaj zbrojaj.

Što datyčycca Kitaju, u hetaj krainie taksama raspracoŭvali pryłady nakiravanaj enierhii, kab ź ich dapamohaj vyvučać strukturu roznych materyjałaŭ. Takuju technałohiju možna adaptavać dla vykarystańnia ŭ jakaści zbroi. Druhaja vialikaja ŭspyška havanskaha sindromu siarod amierykanskich dypłamataŭ i aficeraŭ raźviedki jakraz adbyłasia ŭ 2018 hodzie na terytoryi Kitaja.

Ekśpiertu zabaroniena dakładna raspaviadać pra toje, u jakoj krainie raspracoŭvajecca zbroja jakoha typu. Ale Džardana śćviardžaje, što novaja zbroja pracuje na mikrachvalovych častotach i moža parušać pracu mozha, pry hetym čałaviek nie budzie adčuvać anijakaj piakoty.

Leŭ Sadoŭnik, były kiraŭnik kampanii WaveBand, što stvaryła pratatyp mikrachvalovaj zbroi Medusa, paćviardžaje, što takaja zbroja nie pavinna była być vialikaj. Zrobleny jaho śpiecyjalistami aparat nie byŭ dastatkova mocnym, kab jaho praca vyklikała doŭhaterminovyja prablemy sa zdaroŭjem. Sadoŭnik tłumačyć, što dla amierykanskich kampanij isnuje šmat abmiežavańniaŭ nakont ispytaŭ novych miechanizmaŭ na žyviołach i ludziach, ale takich abmiežavańniaŭ niama ŭ Rasii. Pa mierkavańniu ekśpierta, heta adna z pryčyn taho, čamu Rasija, jak jon ličyć, dasiahnuła bolšaha pośpiechu ŭ pracy ź mikrachvalovaj zbrojaj.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U dzień svajho 60-hodździa pamior prapahandyst Juryj Azaronak26

U dzień svajho 60-hodździa pamior prapahandyst Juryj Azaronak

Usie naviny →
Usie naviny

Pamior były čempijon śvietu pa šachmatach2

Propaviedź Z-baciuški i reabilitacyja Paŭlika Marozava. Jak u Śviata-Jelisaviecinskim manastyry vučać padletkaŭ patryjatyzmu6

Tramp usio ž uvodzić myty na tavary z Kanady, Mieksiki i Kitaja6

Adkidy biełaruskaha chimičnaha kambinata ŭtrymlivajuć kancentracyju redkaziomaŭ, supastaŭnuju z radoviščami va Ukrainie3

Pucin: Rasija pavinna vykarystoŭvać usie mahčymaści, kab pieraškodzić sprobam sarvać pieramovy z ZŠA21

Analityka Andreja Parotnikava pryhavaryli da 10 hod źniavoleńnia1

Tramp praciahnuŭ na hod sankcyi suprać Rasii7

U kulinaryi słonimskaha supiermarkieta zaŭvažyli myš, jakaja jeła pirožnaje prosta ŭ vitrynie VIDEA12

Paśla ŭviadzieńnia novych sankcyj ZŠA pastaŭki rasijskaj nafty ŭ Turcyju abvalilisia ŭ 4 razy

bolš čytanych navin
bolš łajkanych navin

U dzień svajho 60-hodździa pamior prapahandyst Juryj Azaronak26

U dzień svajho 60-hodździa pamior prapahandyst Juryj Azaronak

Hałoŭnaje
Usie naviny →

Zaŭvaha:

 

 

 

 

Zakryć Paviedamić