Aŭstralijskaja palicyja i FBR prydumali, jak vykryć udzielnikaŭ mafijoznych kłanaŭ. Dapamahła špijonskaja prahrama
Jany raspaŭsiudzili siarod tysiač złačyncaŭ svaju zašyfravanuju mabilnuju prahramu.
Pravaachoŭnyja orhany z 17 krain u miežach śpiecapieracyi «Trajanski ščyt», raspačataj u 2018 hodzie, zatrymali bolš za 800 udzielnikaŭ złačynnych hrupovak u Aŭstralii, Azii, Paŭdniovaj Amierycy i na Blizkim Uschodzie, piša ABC News.
U vyniku vobšukaŭ u złačyncaŭ ahułam kanfiskavali 8 ton kakainu, 22 tony marychuany, 2 tony amfietaminu, 55 raskošnych aŭtamabila i bolš za 45 miljonaŭ dalaraŭ u roznych suśvietnych valutach i kryptavalutach. Najbližejšyja dni apieracyja budzie praciahvacca, tamu kolkaść zatrymanych moža pavialičycca.
Apieracyja skončyłasia paśpiachova dziakujučy raspaŭsiudžvańniu bolš za 12 tysiač mabilnych telefonaŭ z prahramaj Anom, jakoje dazvalaje złačyncam abmieńvacca zašyfravanymi paviedamleńniami. Prahramu z samaha pačatku kantralavała FBR. Telefony ŭdałosia raspaŭsiudzić siarod złačynnych hrupovak, u vyniku čaho jany trapili ŭ ruki členaŭ italjanskaj mafii, narkakartelaŭ, azijackich tryjad, ałbanskaj mafii.
Telefony pradavalisia na čornym rynku. Kab nabyć taki telefon, čałaviek pavinien byŭ viedać niekaha, u kaho ŭžo była takaja pryłada. Telefony možna było vykarystoŭvać vyklučna dla abmienu paviedamleńniami ŭ prahramie Anom.
Na raspaŭsiudžvańnie prahramy paŭpłyvała toje, što pravaachoŭnyja orhany apošnija hady zakryli servisy abmienu zašyfravanymi paviedamleńniami EncroChat i Sky ECC. Paśla zakryćcia hetych papularnych u złačynnych kołach prahram mnohija hrupoŭki šukali zamienu, jakim i staŭ Anom.
«Niekatoryja z najlepšych idej prychodziać za paraj kielichaŭ piva», — zajaviŭ na pres-kanfierencyi kamisar fiederalnaj palicyi Aŭstralii Rys Kieršou.
Kab padšturchnuć złačyncaŭ karystacca prahramaj, palicyja Aŭstralii vykarystoŭvała ahienta pad prykryćciom, kim staŭ handlar narkotykami Chakan Aik. Jon pačaŭ razdavać telefony siarod znajomych jak biaśpiečny srodak suviazi. Zatym mnohija kryminalnyja aŭtarytety paručylisia za prahramu i harantavali jaje biaśpieku, što paspryjała jaje papularnaści.
U prahramie złačyncy adkryta abmiarkoŭvali narkotyki i płanavali złačynstvy. Pierachoplivańnie paviedamleńniaŭ dazvoliła praduchilić nie adno złačynstva — tolki ŭ Aŭstralii pravaachoŭnyja orhany pieraškodzili ździejśnić 21 złačynstva.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary