Siońnia Džordž Kroł pravioŭ apošniuju presavuju kanferencyju ŭ jakaści ambasadara ZŠA ŭ Biełarusi, jon vystupiŭ z palityčnymi zajavami, a taksama padvioŭ vyniki svajoj trochhadovaj misyi.
Siońnia Džordž Kroł pravioŭ apošniuju presavuju kanferencyju ŭ jakaści ambasadara ZŠA ŭ Biełarusi, jon vystupiŭ z palityčnymi zajavami, a taksama padvioŭ vyniki svajoj trochhadovaj misyi.
Džordž Kroł zaznačyŭ, što jon nie raz papiaredžvaŭ ułady Biełarusi ab mahčymaści rezkaj reakcyi ZŠA na mahčymy prysud Alaksandru Kazulinu, što było realizavana ŭ zajavie Dziaržepartamenta.
( Kroł: ) «Dalej budzie sudovy praces suprać siabraŭ asacyjacyi «Partnerstva», i taksama ja kazaŭ pradstaŭnikam biełaruskich ŭładaŭ, što treba vyzvalić usich palitviaźniaŭ. Kali ž i hetyja ludzi buduć asudžanyja, jak Kazulin, to budzie jašče bolš rezkaja i žorstkaja reakcyja ZŠA i, ja ŭpeŭnieny, z boku Eŭraźviazu taksama».
U pryvatnaści spadar Kroł paviedamiŭ, što jon učora razmaŭlaŭ ź ministram zamiežnych spravaŭ Biełarusi Siarhiejem Martynavym. Na jahonuju dumku, tyja sudździ i prakurory, jakija spryčynilisia da pieraśledu A. Kazulina i inšych aktyvistaŭ apazycyi, trapiać u śpis dziaržaŭnych čynoŭnikaŭ Biełarusi, u adnosinach da jakich dziejničajuć sankcyi ZŠA.
( Kroł: ) «Na sustrečy vialikaj vaśmiorki ŭ Sankt-Pieciarburzie, jak vy viedajecie, ŭ časie pieramovaŭ pamiž kiraŭnikami krainaŭ budzie abmiarkoŭvacca biełaruskaje pytańnie, i hety prysud Kazulinu budzie abhavoravacca, ja ŭpeŭnieny ŭ hetym».
Aceńvajučy efektyŭnaść sankcyjaŭ ZŠA i Eŭraźviazu adnosna biełaruskich čynoŭnikaŭ, hałoŭnaj metaj hetych krokaŭ ambasadar ZŠA nazvaŭ imknieńnie, kab Biełaruś nie vypała z uvahi mižnarodanj supolnaści. I heta, na jahonuju dumku, dasiahnuta.
Pa prośbie žurnalistaŭ spadar Kroł zrabiŭ doŭhaterminovy prahnoz raźvićcia sytuacyi ŭ Biełarusi i ŭ pryvatnaści vykazaŭ svaju pierakanańnie, što Biełaruś dałučycca da ahulnaeŭrapiejskaha intehracyjnaha pracesu, bo taja systema katrolu za hramadztvam i ekanomikaj, jakaja isnuje ŭ Biełarusi, źjaŭlajecca nieefektyŭnaj, jak raniejšaja savieckaja, što zaniapała. U perspektyvie ŭ Biełarusi pieramoža žadańnie ludziej da pieramien, zaznačyŭ spadar Kroł.
( Kroł: ) «Ja ŭpeŭnieny, što hetyja pieramieny buduć mirnyja, spakojnyja i vielmi chutkija. Ludzi Biełarusi, i navat ułady, jak ja baču i viedaju ludziej, jakija razumiejuć usio, što patrebna rabić i rabić vielmi chutka. U hetym vaš narodny charaktar. Ja liču, što vy padrychtavanyja vielmi chutka adradžacca. Voś heta sapraŭdny biełaruski cud».
Kali ž heta adbudziecca, pakul acanić składana, pryznaŭsia ambsadar Džordž Kroł.
Kali žurnalisty spytali amerykanskaha ambasadara pra samyja jarkija ŭražańni pad čas jahonaha znachodžańnia ŭ Biełarusi, jon zhadaŭ mitynh 25 sakavika hetaha hoda ŭ skvery Janki Kupały, kali jon adčuŭ, jak na mienskija vulicy pryjšło adčuvańnie svabody. Akramia taho spadar Kroł paviedamiŭ, što jon sabraŭ adnu z najbolšych dla Vašynhtona bilijatek biełaruskaj litaratury.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie47
Kamientary