U apošnija hady ŭ letni čas u Biełarusi nazirajucca prajavy trapičnaha klimatu: vysokija tempieratura i vilhotnaść pavietra.
Pra heta na pres‑kanfierencyi 30 červienia paviedamiŭ akademik Nacyjanalnaj akademii navuk Biełarusi Uładzimir Łohinaŭ.
«Jak praviła, dla biełaruskaha leta bolš charakternaje takoje nadvorje, kali ciopła i sucha, ale byvajuć hady, kali letam ciopła i vilhotna, jak u tropikach, i apošnim časam takija hady paŭtarajucca ŭsio čaściej. Heta sapraŭdy fienomien,
— zaznačyŭ akademik. — Heta adbyvajecca z‑za ŭvarvańnia trapičnaha pavietra, heta ŭsio cyrkulacyja atmaśfiery. U hety čas jakraz šmat škvałaŭ i ekstremalnych, stychijnych mietearałahičnych źjaŭ».
Niadaŭnija praliŭnyja daždžy śpiecyjalisty nie źviazvajuć z hłabalnymi klimatyčnymi źmienami. «Sioleta ŭ červieni ŭ Minsku vypała 187 mm apadkaŭ, heta sapraŭdy šmat, — skazaŭ namieśnik načalnika Respublikanskaha hidramietearałahičnaha centra Viktar Mielnik. — Ale maksimalnaja ich kolkaść — 237 mm — była zafiksavana ŭ 1903 hodzie. Klimatyčnyja siurpryzy byli zaŭsiody, prosta nie ŭsio zdarałasia na našaj pamiaci».
Kazać pra rost kolkaści klimatyčnych anamalij u Biełarusi ŭ suviazi z hłabalnym paciapleńniem nielha, ličyć Łohinaŭ.
«Kali brać takija stychijnyja źjavy, jak škvały, zasuchi, zamarazki, to ich kolkaść sapraŭdy ŭzrastaje. Adnak kolkaść inšych źjaŭ — takich jak tumany, miacielicy, šerań — u paraŭnańni z 1970‑mi hadami značna ŭpała, — zaznačyŭ jon. — Kali kazać u cełym ab usich ekstremalnych źjavach, to paŭtaralnaść adnych sapraŭdy niekalki pavialičvajecca, kolkaść inšych padaje».
Što tyčycca tempieraturnych źmienaŭ, to, pavodle słoŭ śpiecyjalistaŭ, hłabalnaje paciapleńnie adbiłasia ŭ pieršuju čarhu na siaredniaj tempieratury studzienia, lutaha i sakavika. Za košt zimovych miesiacaŭ za 20 hadoŭ siaredniehadavaja tempieratura ŭ Biełarusi ŭzrasła na 1,1°C, a tempieratura studzienia za apošnija hady ŭźniałasia na 3°C.
«Pačynajučy z 1989 hoda, tolki ŭ 1996‑m u našaj krainie była pa‑sapraŭdnamu chałodnaja zima, — skazaŭ Mielnik.— Z hoda ŭ hod my adznačajem tendencyju da ciopłych miakkich zimaŭ. Zychodziačy sa statystyki apošnich 20 hadoŭ, ja śćviardžaju, što zima i sioleta budzie ciopłaj».
Hłabalnaje paciapleńnie ŭpłyvaje taksama na letnija miesiacy — praŭda, tolki na druhuju pałovu hetaha siezona. Za apošnija hady ŭ hety čas u Biełarusi pavialičyłasia i tempieratura, i vierahodnaść zasuch.
Mielnik zaznačyŭ, što za apošnija 20 hadoŭ klimatyčnyja zony zrušylisia z poŭdnia na poŭnač prykładna na 100 kiłamietraŭ.Heta, pavodle słoŭ śpiecyjalista, uniesła stanoŭčyja źmieny ŭ sielskuju haspadarku Viciebskaj vobłaści i poŭnačy Minskaj, dla poŭdnia Biełarusi takija źmieny mohuć vyklikać zasuchi.
«My padkreślivajem, što heta pakul tolki scenaryj, navat nie prahnoz», — zaznačyŭ Łohinaŭ.Pavodle adnaho z prahnozaŭ, u najbližejšaje stahodździe siaredniaja hłabalnaja tempieratura pavialičycca na 2‑3°C, u Biełarusi pavieličeńnie tempieratury budzie jašče vyšejšym, i terytoryja dziaržavy apyniecca ŭ pojasie siońniašniaj Kijeŭskaj vobłaści.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary