Najvialikšaje prademakratyčnaje vydańnie Hankonha Apple Daily vymušana spynić pracu
Kitajskija ŭłady aryštavali kiraŭnictva papularnaj haziety i zabłakavali rachunki vydańnia.
Hazieta Apple Daily i jaje zasnavalnik Džymi Łaj stali simvałami prademaratyčnaha ruchu ŭ Hankonhu. Apple Daily była zasnavanaja 26 hadoŭ tamu. Na staronkach haziety publikavałasia infarmacyja pra demakratyčny ruch Hankonha, a taksama žurnalisckija rasśledavańni ŭ dačynieńni dziaržaŭnych asob.
Džymi Łaj, krytyk piekinskaha režymu, byŭ aryštavany letaś. Jaho abvinavačvajuć u arhanizacyi niesankcyjanavanych mierapryjemstvaŭ.
Na minułym tydni palicyja praviała rejd u redakcyi haziety. Piać kiraŭnikoŭ byli aryštavanyja: ich abvinavačvajuć u zmovie z zamiežnymi siłami, što pahražaje nacyjanalnaj biaśpiecy, paviedamlaje The Guardian.
Abvinavačvańni datyčylisia dziasiatkaŭ artykułaŭ, jakija, pa słovach palicyi, zaklikali da zamiežnych sankcyj suprać urada Hankonha i Kitaja. Usie rachunki vydańnia byli zabłakavanyja.
Pradstaŭniki haziety paviedamili, što vymušanyja spynić pracu. «My dziakujem čytačam, žurnalistam, supracoŭnikam i rekłamadaŭcam za ich pastajannuju padtrymku na praciahu apošnich 26 hadoŭ», - adznačajecca ŭ zajavie Apple Daily.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary