Pierakładčyca Volha Kałackaja znoŭ padazravanaja pa 342 artykule Kryminalnaha kodeksa
SK kamitet admianiŭ pastanovu ab spynieńni vytvorčaści pa art. 342 KK («Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich») suprać pierakładčycy Volhi Kałackaj. Adpaviedna Volha znoŭ padazravanaja pa hetym artykule. Jana ciapier adbyvaje dva hady chatniaj chimii pavodle inšaha artykuła, piša BAŽ.
U studzieni 2021 hoda Volhu Kałackuju zatrymali i źmiaścili ŭ SIZA, spačatku jana prachodziła jak padazravanaja pa art. 342 Kryminalnaha kodeksa («Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich»).
Paźniej Volhu Kałackuju abvinavacili ŭ złosnym chulihanstvie (art. 339 Kryminalnaha kodeksa) — nibyta padčas adnoj z akcyj pratestu Volha naniesła niekalki poŭchaŭ supracoŭniku STB Ryhoru Azaronku. Da suda Volha znachodziłasia za kratami.
U sakaviku 2021 hoda spravu rahladaŭ Frunzienski sud Minska. Ryhor Azaronak u sudzie skazaŭ, što zajavu na Kałackuju nie pisaŭ i ŭvohule nie ličyć, što žančyna jaho abraziła: «Pra epizod ja zabyŭsia ŭ toj ža viečar. Ale ŭsim viadomy telehram-kanał vyrašyŭ vykłaści heta, pasmakavać — i orhany zanialisia spravaj.
Ja chadajničaŭ ab spynieńni kryminalnaha pieraśledu i nastojvaŭ ab spynieńni spravy. Padtrymlivaju hetuju svaju pazicyju i ciapier».
U vyniku sudździa Ała Skuratovič pakarała pierakładčycu Volhu Kałackuju dvuma hadami chatniaj chimii.
«Pahrozaj haładoŭki damahlisia, kab vydali srodki ad vošaŭ». Pierakładčyca Volha Kałackaja pra turmu i svabodu
-
«Heta litaralna zryvaje dach!» Televiadučaja Lucyja Hieraščanka raspaviała pra pajezdku ŭ Indyju z synam
-
«Skrali try partsihary, try kurtki». Viciebski hubiernatar abvinavaciŭ pradprymalnikaŭ u pierabolšvańni nastupstvaŭ pažaru
-
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda18
Kamientary