Źviazana heta ź pieryjadam adpačynkaŭ i ekanomijaj srodkaŭ. Z 6 vieraśnia «Biełsat» hatovy viarnucca da byłoha abjomu viaščańnia.
Źviazana heta ź pieryjadam adpačynkaŭ i ekanomijaj srodkaŭ. Z 6 vieraśnia «Biełsat» hatovy viarnucca da byłoha abjomu viaščańnia.
Pavodle słoŭ pres-sakratara telekanała Siarhieja Pialesy, skaračeńnie času viaščańnia źviazana ź pieryjadam adpačynkaŭ i ekanomijaj srodkaŭ. Telekanał ź siońniašniaha dnia budzie tranślavać pieradačy z 19 da 23 hadzin pa minskim časie.
Skaračeńnie pieryjadu viaščańnia — časovaje, adznačyŭ Pielesa. «Viaščańnie skaračajecca tolki na dva miesiacy, — lipień i žnivień. Heta było zroblena ŭ metach zachavańnia jakaści prahram. Z 6 vieraśnia «Biełsat» hatoŭ viarnucca da byłoha abjomu viaščańnia», — skazaŭ jon.
«Heta nie aznačaje, što niejkija pieradačy na «Biełsacie» buduć likvidavany. U pieryjad adpačynkaŭ buduć štotydniova vychodzić prahramy «Akno ŭ Jeŭropu», «Pres-ekspres», «Historyja pad znakam «Pahoni». Infarmacyjnaja prahrama «Abjektyŭ» pavialičvaje praciahłaść da 20 chvilin i budzie vychodzić jak i raniej u 21.00», — zaznačyŭ Pielesa.
23 krasavika 2007 hoda Polskaje hramadskaje telebačańnie (TVP) i Ministerstva zamiežnych spraŭ Polščy padpisali pahadnieńnie ab stvareńni spadarožnikavaha telekanała «TV Biełaruś». Jaho dyrektaram była pryznačana Ahnieška Ramašeŭska. 18 lipienia TVP zaćvierdziła ŭ svajoj struktury novy spadarožnikavy telekanał, jaki atrymaŭ nazvu «Biełsat». Viaščańnie «Biełsata» pačałosia 10 śniežnia 2007 hoda. Kanał finansujecca z reziervovaha biudžetu polskaha MZS, a taksama ŭradami šerahu jeŭrapiejskich dziaržaŭ i Jeŭrapiejskaj kamisijaj.
Tranślacyja pieradač telekanała ažyćciaŭlajecca praz spadarožniki Astra i Sirius 4.
Kamientary