MZS Ukrainy abvierhła infarmacyju pra zachop ukrainskaha samalota ŭ Kabule
Infarmacyja ab zachopie ŭ Kabule ŭkrainskaha łajniera, jakaja raspaŭsiudžvajecca ŭ ŚMI, nie adpaviadaje rečaisnaści. Usie samaloty ščasna viarnulisia va Ukrainu.
Pra heta ŭ kamientary RBK-Ukraina raspavioŭ śpikier Ministerstva zamiežnych spraŭ Aleh Nikalenka.
«Zachoplenych ŭkrainskich samalotaŭ u Kabule ci dzie-niebudź jašče niama. Infarmacyja ab «zachoplenym samalocie», jakuju tyražujuć niekatoryja ŚMI, nie adpaviadaje rečaisnaści», — adznačyŭ Nikalenka.
Pavodle jaho słoŭ, usie samaloty, jakija pryciahvała Ukraina dla evakuacyi hramadzian z Afhanistana, biaśpiečna viarnulisia ŭ krainu. Na siońnia tryma evakuacyjnymi rejsami vyvieźli 256 čałaviek.
Jon taksama ŭdakładniŭ, što namieśnik ministra zamiežnych spraŭ Jaŭhien Jenin, na słovy jakoha spasyłalisia ŚMI, u cełym tłumačyŭ biesprecedentny ŭzrovień ciažkaściaŭ, ź jakimi davodziłasia sutykacca dypłamatam, kab evakujavać ukraincaŭ.
Kamientary