Jeŭrapiejski sud pa pravach čałavieka (JESPČ) zapatrabavaŭ ad Polščy i Łatvii akazać dapamohu mihrantam na miežach hetych krain ź Biełarusi. Adpaviednaja zajava apublikavana na sajcie arhanizacyi.
Pastanova była pryniataja paśla taho, jak u sud źviarnulisia 32 hramadzianiny Afhanistana, jakija ciapier znachodziacca na biełaruska-polskaj miažy, a taksama 41 hramadzianin Iraka kurdskaha pachodžańnia (hetyja ludzi, pavodle źviestak JESPČ, ciapier — na biełaruska-łatvijskaj miažy).
Razhledzieŭšy ich zvarot, sud pastanaviŭ: «zapatrabavać ad uładaŭ Polščy i Łatvii, kab jany dali ŭsim zajaŭnikam ježu, vadu, adzieńnie, naležnuju miedycynskuju dapamohu i, pa mahčymaści, časovaje žytło», — havorycca ŭ dakumiencie.
Takuju dapamohu Varšava i Ryha, zhodna z rašeńniem JESPČ, pavinny akazvać mihrantam na praciahu troch tydniaŭ, da 15 vieraśnia.
Adnak razmovy ab patrabavańni dazvolić mihrantam ujezd na terytoryi Łatvii i Polščy nie idzie.
Tym časam za sutki ź Biełarusi ŭ Litvu sprabavali trapić bolš za 150 nielehałaŭ, u Łatviju — 101. Nikoha nie prapuścili.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary