Jak prostyja źmieny ŭ supiermarkietach dapamohuć ludziam pierajści na bolš zdarovaje charčavańnie — daśledavańnie
Univiersitet brytanskaha horada Saŭtchemptan razam ź isłandskaj sietkaj supiermarkietaŭ vyśvietliŭ, čaho nie chapaje ciapierašnim supiermarkietam.
Vyniki novaha daśledavańnia śviedčać: kali pradavać sadavinu i harodninu na ŭvachodzie ŭ mahazin i prybrać kandytarskija tavary z palic kala kas, heta pabudzić ludziej kuplać bolš karysnyja pradukty.
Kab atrymać takija vyniki, navukoŭcy źmianili raźmiaščeńnie adździełaŭ u troch supiermarkietach sietki Iceland Foods Ltd. u Brytanii. Na ŭvachodzie ŭ kožnuju kramu jany raźmiaścili rasšyrany adździeł z sadavinaj i harodninaj, a taksama zamianili kandytarskija vyraby, jakija zvyčajna lažać na palicach kala kas, na inšyja tavary. Siarod takich tavaraŭ była vada ci žvačka biez cukru, a taksama bolesucišalnyja leki i srodki hihijeny i kaśmietyki nakštałt vilhotnych survetak ci dezadarantaŭ, piša Daily Mail.
U takim režymie supiermarkiety pracavali na praciahu šaści miesiacaŭ. Dziakujučy hetamu, jak vyśvietliłasia, prodaž sadaviny i harodniny pavialičyŭsia amal na 10 tysiač porcyj u tydzień, a prodaž kandytarskich vyrabaŭ źmienšyŭsia na 1500 porcyj na tydzień. Źmieny ŭ supiermarkietach dapamahli pakupnikam pierajści na bolš zdarovaje charčavańnie. Pra heta śviedčać źviestki niekalkich dziasiatkaŭ pastajannych klijentaŭ sietki, jakija taksama znachodzilisia pad manitorynham padčas ekśpierymientu.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary