Zatrymanaja doktarka Mahiloŭskaj abłasnoj balnicy. Jana mieła dačynieńnie da telehram-kanała «Miediki s Narodom Mohilov»
Doktarka Mahiloŭskaj abłasnoj dziciačaj balnicy Maryja Lapioškina była zatrymanaja 13 vieraśnia, na volu jana nie vyjšła. Pra heta paviedamiŭ telehram-kanał miedycynskaj tematyki.
Pryčyny zatrymańnia dakładna nieviadomyja. Adnak u praŭładnym kanale źjaviłasia paviedamleńnie pra zachop HUBAZiKam čata «Miediki s Narodom Mohilov».
Pieršapačatkova ŭ apisańni čata było siarod inšaha napisana: «Našy patrabavańni: spynić katavańni, źbićcio i zabojstvy mirnych hramadzian», a taksama «Nijakaj palityki». Paśla zachopu čata siłaviki pakinuli paviedamleńnie «Da chutkaj sustrečy z kožnym».
Čat «Miediki s Narodom Mohilov» nie znachodzicca ŭ śpisie ekstremisckich materyjałaŭ ministerstva infarmacyi.
Maryja Lapioškina — otałarynhołah, u hetym lutym jana pramilhnuła ŭ siužecie ONT pra toje, što mahiloŭskaja balnica atrymała novaje abstalavańnie, a lekary asvojvajuć novyja mietodyki.
Abnoŭlena. Sud Mahiloŭskaha rajonu asudziŭ Maryju na 30 bazavych vieličyń štrafu (870 rubloŭ) za nibyta raspaŭsiud ekstremisckich materyjałaŭ, paviedamlajuć pravaabaroncy.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior siońnia nočču?26
Kamientary