Karona nastupaje na Minsk: ludzi hadzinami čakajuć chutkuju, daktary kažuć, što maštab abiacaje być bolšym, čym letaś
Čytačy «Našaj Nivy» ź Minska narakajuć — čakańnie chutkaj u horadzie raściahvajecca na hadziny.
«Chutkaja jechała amal dźvie hadziny, skazali, šmat vyklikaŭ u čarzie, za sotniu. Kali pryjechali — zrabili ŭkoł i źjechali», — piša nam čytač.
«Siońnia dźvie hadziny čakali bryhadu na paćvierdžany kavid», — piša inšy.
«U tavaryša zachvareŭ syn, kavid. Chutkaja nie pajechała, skazali vyklikać, kali budzie zusim kiepska, a ŭ paniadziełak, moža być, zojdzie ŭčastkovy doktar», — raskazvaje jašče adzin.
My źviazalisia ź miedykam chutkaj dapamohi. Jana paćvierdziła, što situacyja napružanaja.
«Ź vieraśnia pajšoŭ vialiki rost zachvorvańnia, pry hetym pryščeplenych chvareje mała i lohka. U asnoŭnym tyja, chto nie vakcynavaŭsia. Padstancyi zahružany vizitami.
Zvyčajna realnaść pracy takaja, što ty nie vychodziš z padjezda, kab adrazu ž jechać na inšy adras, ty paśpiavaješ viarnucca na padstancyju i tam čakaješ, časam da hadziny čakaješ.
Ciapier ža, u epidemiju, na padstancyi my zusim nie byvajem, tolki vykliki. Pry hetym takoha vykliku jak «karanavirus» užo nie isnuje. Jeduć tolki na kankretnyja skarhi supravadžalnyja — vysokaja tempieratura, čałaviek zadychajecca, nizkaja saturacyja i hetak dalej.
Vyklikaŭ vielmi šmat, tamu kamuści davodzicca čakać, heta naturalna. Vykliki jość terminovyja i ekstrannyja. Ekstrannyja — avaryi, pažary, insulty, infarkty, čałaviek biez prytomnaści, nie moža dychać i hetak dalej. Jany pieršyja ŭ čarzie, kolki b nie było terminovych, pryjarytet zaŭsiody ekstranny.
Pry hetym niekatoryja ludzi złoŭžyvajuć i vyklikajuć na tempieraturu 37, tamu što jamu prosta lanotna jechać u palikliniku», — skazała doktar.
U niekatorych paliklinikach tym časam profilnych miedykaŭ vymušana zahružajuć rabotaj z chvorymi na karonu, bo piersanału brakuje pry ŭzrosłaj kolkaści chvorych.
Pry hetym, adznačajuć miedyki, choć hetaja chvala vyhladaje bolšaj za letašniuju, pracavać trochu praściej, tamu što na pryjomy nie chodziać bolš ludzi-«kantakty».
Z balnic taksama dachodziać tryvožnyja naviny ab uzroŭni zahružanaści reanimacyj i kolkaści chvorych. Daktary akcentujuć uvahu, što pryščeplenyja chvarejuć vielmi redka i ŭ lohkaj formie, nahadvajuć pra nieabchodnaść pryščapicca.
«Naša Niva» sočyć za temaj.
Kamientary