Adrazu try biełaruskija kłuby startavali ŭ druhim kvalifikacyjnym raŭndzie Lihi Jeŭropy.
Adrazu try biełaruskija kłuby startavali ŭ druhim kvalifikacyjnym raŭndzie Lihi Jeŭropy. Pieršym pa časie svoj matč pačaŭ hulać debiutant jeŭrakubkaŭ — navapołacki «Naftan».
U Viciebsku «naftaviki» prymali bielhijski «Hient», jaki ŭznačalvaje słavuty ŭ minułym bramnik Mišel Prudom. Bielhijcy ličylisia favarytami pary, adnak nastaŭnik haściej z aściarohaj uzhadvaŭ letašniaje supraćstajańnie BATE i bruselskaha «Anderlechta», dzie biełarusy akazalisia macniej.
Tym nie mienš navapałačanie nazło skieptykam pakazali pryhožy futboł i atrymali zasłužanuju pieramohu. U kožnym z tajmu pa hołu ŭ varoty bielhijcaŭ zabiŭ Alaksandr Dziehciaroŭ.
Adnak «Hient» nie zdaŭsia i ŭžo ŭ dadatkovy čas sierbski lehijanier Miłaš Maryč adzin hoł adyhraŭ — 2:1.
***
Minskaje «Dynama» doma tak i nie zmahło znajści šlachi da varotaŭ narviežskaha «Tromse». Šancy mieła, jak adna, tak i druhaja kamanda, adnak nie atrymałasia. Hulnia tak i skončyłasia ź likam 0:0.
***
Ale najbolš niaŭdała z usich biełaruskich kłubaŭ vystupiŭ MTZ‑RIPA. U Daniecku chłopcy Juryja Puntusa nie zmahli pradjavić svaich važkich kontrarhumientaŭ u hulni z «Mietałurham».
Jašče ŭ pieršym tajmie zimbabvijec Mhuni i armianin Mchitaran vyvieli ŭkrainskuju kamandu napierad. Alaksiej Hodzin uvohule aformiŭ razhrom minčan — 0:3.
Šancy MTZ‑RIPA na dalejšy praciah baraćby minimalnyja. Matčy ŭ adkazy pary praviaduć praz tydzień, pry hetym abmianiaŭšysia placoŭkami.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1515
Kamientary