Vice-premjer Pietryšenka patłumačyŭ źnižeńnie «karanavirusnych» nadbavak miedykam
«Nadbaŭki zachoŭvajucca, ale karektujucca». Ab hetym zajaviŭ namieśnik premjer-ministra Biełarusi Ihar Pietryšenka ŭ efiry telekanała ANT u niadzielu.
«Hetyja vypłaty zachoŭvajucca. [Zrabili] peŭnuju karekciroŭku z ulikam pravaprymianialnaj praktyki, z ulikam taho, što my ažyćciavili peŭnyja achoŭnyja funkcyi. Majucca na ŭvazie srodki indyvidualnaj abarony, u poŭnaj miery zabiaśpiečany piersanał miedycynski i siaredni miedpiersanał, — skazaŭ jon. — Pytańni, znoŭ ža, vakcynacyi — heta taksama abaronienaść miedpiersanału. Tamu pavinien być tut pryncyp racyjanalnaha raschodavańnia biudžetnych srodkaŭ. Samaje hałoŭnaje, pryncyp spraviadlivaści».
Toj, chto pracuje ŭ «čyrvonaj zonie» z kavidpacyjentami, — u ich hetyja nadbaŭki zachoŭvajucca z ulikam adpracavanaha času. Heta ŭsio infiekcyjnyja adździaleńni, pieraprafilavanyja adździaleńni, dzie znachodziacca chvoryja z kavidam, reanimatołahi, aniestezijołahi, heta ŭsie tyja katehoryi, jakim usie nadbaŭki zachoŭvajucca. Adpaviedna, i inšym — u zaležnaści ad kolkaści adpracavanaha času. Heta značyć, tolki kankretna za pieryjad prafiesijnaj ryzyki.
U dalejšym my praciahniem adpaviednaje finansavańnie. Vy viedajecie, što na likvidacyju hetych nastupstvaŭ tolki pa minułym hodzie dzieści 562 młn my vydatkavali — hrošy, jakija byli nie zapłanavanyja. Pa biahučych 8 miesiacach my hetuju ličbu pieravysili na 200 młn. Tamu, vy bačycie, što dziaržava trymaje hetaje pytańnie na kantroli, i nieabchodnaje finansavaje padsiłkoŭvańnie hetaha pracesu idzie i dalej budzie ažyćciaŭlacca», — skazaŭ vice-premjer.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary