Na śpiavačku Šakiru ŭ Barsiełonie napali dziki i sprabavali zabrać zaplečnik
Dva dziki ŭ barsiełonskim parku napali na pop-zorku Šakiru, adabrali ŭ jaje sumku, u jakoj byŭ telefon, i ŭciakli ŭ les. Zaplečnik udałosia viarnuć.
Pra heta Šakira raspaviała ŭ sacsietkach. Fatahrafii samich dzikoŭ jana nie pakazała, ale pakazała brudny zaplečnik, piša Bi-bi-si.
«Hladzicie, dva dziki napali na mianie ŭ parku i pakinuli zaplečnik voś u takim stanie», — kaža śpiavačka, pakazvajučy pataptany brudnymi kapytami pradmiet.
Potym jana źviartajecca da svajho syna: «Miłan, skažy praŭdu, raskažy, jak tvaja mama zmahałasia ź dzikom».
Napady dzikoŭ na ludziej i sabak u Barsiełonie — nie takaja ŭžo redkaść. U 2016 hodzie palicyja atrymała 1187 zvarotaŭ sa skarhami na hetych žyvioł. U 2013-m palicejski pasprabavaŭ zastrelić dzika z revalviera, ale zamiest hetaha trapiŭ u svajho naparnika.
Dziki bujaniać nie tolki ŭ Barsiełonie. Pa miery taho, jak vialikija harady rassoŭvajuć svaje miežy, dzikim źviaram prychodzicca pa-svojmu zmahacca za svaje pravy.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary