Najhoraj stanovišča ŭ Ispanii, jakaja ad Krainy Baskaŭ dy Halisii i da Andałusii achoplena ahniom.
Najhoraj stanovišča ŭ Ispanii, jakaja ad Krainy Baskaŭ dy Halisii i da Andałusii achoplena ahniom.
U zmahańni sa stychijaj užo zahinuli piaciora pažarnych. Baraćbu sa stychijaj uskładniajuć pryrodnyja ŭmovy — mocny viecier raznosić ahoń, a pažarnyja čaściakom nie paśpiavajuć svoječasova pieramiaścicca da ačahoŭ uzharańnia.
«Kali stychija nastolki vychodzić z‑pad kantrolu, ničoha nielha ŭžo zrabić», - kažuć pažarnyja.
Pažary achapili ŭsiu krainu. Ahoń źniščyŭ 15 tys. hiektaraŭ lesa, najbolš paciarpieli Katałonija i Arahon. Ułady Ispanii źviarnulisia pa dapamohu da inšych krain.
Italija
Tut tušeńnie pažaraŭ uskładniajecca mocnaj śpiokaj. U asobnych rajonach słupok termomietra trymajecca na adznacy 46 hradusaŭ.
Samaja składanaja situacyja ŭ centralnaj i uschodniaj častcy krainy, dzie zafiksavanyja 15 ačahoŭ uzharańnia, a taksama na Sardynii.
Francyja
Pažary lutujuć na Korsicy.
Za apošnija sutki na poŭdni vostrava vyharali bolš za 3,5 tys. hiektaraŭ lesu. Adzin z troch bujnych pažaraŭ łakalizavany, ale dva inšyja, niepadalok ad stalicy departamienta horada Ajačča, pakul nie ŭziatyja pad kantrol.
Składanaja situacyja ŭ Hrecyi. U paŭdniovaj častcy krainy słupok termomietra pieravyšaje 40 hradusaŭ, što taksama ŭskładniaje situacyju.
Polšča
Siońnia ŭnačy ŭrahan praniośsia pa‑nad zachodniaj i centralnaj častkami krainy.
Mocny viecier zabraŭ žyćci šaści čałaviek. Hety rybaki, što patanuli ŭ voziery, a taksama kiroŭcy mašyn, na jakija ŭpali drevy.
Mocny viecier pryvioŭ da častkovaha adklučeńnia elektryčnaści ŭ Łodzi i Varšavie. U pryvatnaści, była abiastočana vulica, što viadzie ŭ varšaŭski aeraport.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu20
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary