Найгорай становішча ў Іспаніі, якая ад Краіны Баскаў ды Галісіі і да Андалусіі ахоплена агнём.
Найгорай становішча ў Іспаніі, якая ад Краіны Баскаў ды Галісіі і да Андалусіі ахоплена агнём.
У змаганні са стыхіяй ужо загінулі пяцёра пажарных. Барацьбу са стыхіяй ускладняюць прыродныя ўмовы — моцны вецер разносіць агонь, а пажарныя часцяком не паспяваюць своечасова перамясціцца да ачагоў узгарання.
«Калі стыхія настолькі выходзіць з‑пад кантролю, нічога нельга ўжо зрабіць», - кажуць пажарныя.
Пажары ахапілі ўсю краіну. Агонь знішчыў 15 тыс. гектараў леса, найбольш пацярпелі Каталонія і Арагон. Улады Іспаніі звярнуліся па дапамогу да іншых краін.
Італія
Тут тушэнне пажараў ускладняецца моцнай спёкай. У асобных раёнах слупок тэрмометра трымаецца на адзнацы 46 градусаў.
Самая складаная сітуацыя ў цэнтральнай і усходняй частцы краіны, дзе зафіксаваныя 15 ачагоў узгарання, а таксама на Сардыніі.
Францыя
Пажары лютуюць на Корсіцы.
За апошнія суткі на поўдні вострава выгаралі больш за 3,5 тыс. гектараў лесу. Адзін з трох буйных пажараў лакалізаваны, але два іншыя, непадалёк ад сталіцы дэпартамента горада Аячча, пакуль не ўзятыя пад кантроль.
Складаная сітуацыя ў Грэцыі. У паўднёвай частцы краіны слупок тэрмометра перавышае 40 градусаў, што таксама ўскладняе сітуацыю.
Польшча
Сёння ўначы ўраган пранёсся па‑над заходняй і цэнтральнай часткамі краіны.
Моцны вецер забраў жыцці шасці чалавек. Гэты рыбакі, што патанулі ў возеры, а таксама кіроўцы машын, на якія ўпалі дрэвы.
Моцны вецер прывёў да частковага адключэння электрычнасці ў Лодзі і Варшаве. У прыватнасці, была абясточана вуліца, што вядзе ў варшаўскі аэрапорт.
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?2
Каментары