Pamiatajecie milicyjaniera, jaki pavaliŭsia na vybarčym pikiecie z udziełam Cichanoŭskaha? Jaho za adnu hadzinu abrazili bolš za tysiaču raz
U sudzie Savieckaha rajona Minska 27 kastryčnika pavodle artykuła 369 Kryminalnaha kodeksa (abraza pradstaŭnika ŭłady) da dvuch z pałovaj hadoŭ «chatniaj chimii» asudzili 57-hadovaha Andreja Vasileŭskaha. Mužčynu pryznali vinavatym u abrazie supracoŭnika milicyi z Hrodna Uładzimira Kazłoŭskaha — taho samaha milicyjanta, jaki pavaliŭsia na ziamlu padčas tuzaniny 29 traŭnia minułaha hoda na vybarčym pikiecie pa zbory podpisaŭ za vyłučeńnie ŭ kandydaty ŭ prezidenty Śviatłany Cichanoŭskaj, paviedamlajuć pravaabaroncy.
Pavodle viersii abvinavačvańnia, Vasileŭski pakinuŭ kamientar u «Adnakłaśnikach» pad dopisam Volhi Karač sa słovam «mraź». Na toj momant Kazłoŭski pracavaŭ staršym učastkovym, ciapier jon — načalnik štaba UUS Leninskaha rajona Hrodna. Vasileŭskaha, jaki maje druhuju hrupu invalidnaści ŭ suviazi z prablemami z sercam, trymali pad vartaj za kamientar amal miesiac. Paśla abviaščeńnia prysudu jaho vyzvalili ŭ zale suda. Spravu razhladaŭ sudździa Alaksandr Vołk, dziaržabvinavačvańnie padtrymlivaŭ prakuror Uładzimir Rabaŭ.
Hod tamu ŭ Hrodnie zatrymali Siarhieja Cichanoŭskaha. Voś jak heta było
«Biedny i maleńki milicyjant ŭpaŭ da maich noh». Na 63-hadovuju piensijanierku z Hrodna zaviali administracyjnuju spravu
«Jon prosta na mianie ŭpaŭ». Mužčyna patłumačyŭ, čamu akuratna pakłaŭ na ziamlu milicyjanta ŭ Hrodnie
Paciarpiełaha načalnika štaba UUS Leninskaha rajona Hrodna Uładzimira Kazłoŭskaha dapytali na sudzie praź videakanfierencsuviaź na Skype.
«Usio pačałosia 29 traŭnia [minułaha hoda], kali ja zastupiŭ na achovu hramadskaha paradku na terytoryi Leninskaha rajona Hrodna, dzie prachodziła pikietavańnie pa zbory podpisaŭ kandydata ŭ prezidenty. Nios słužbu razam z naparnikam Chvaleniam. Paśla ŭ dačynieńni da mianie i da Chvaleni byŭ ŭžyty hvałt. Nas dla akazańnia miedycynskaj dapamohi dastavili ŭ balnicu. 30 traŭnia [minułaha hoda], znachodziačysia ŭ balnicy, kala 10-j hadziny na moj mabilny telefon u roznych sietkach: u «Adnakłaśnikach», «VKontaktie», Instagram — ciaham hadziny pryjšło bolš za tysiaču abrazaŭ, pahrozaŭ užyvańnia hvałtu jak u dačynieńni da mianie, hetak i ŭ dačynieńni da maich rodnych i blizkich. Paśla čaho ja zabłakavaŭ usie staronki va ŭsich sacsietkach. Karystalniki sami pabačyli, što maje staronki zakrytyja, niedasiažnyja, tamu pačali dadavać paviedamleńni na adras majoj maci, žonki», — skazaŭ milicyjanier.
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ3
Kamientary