Siońnia ŭ sudzie Frunzienskaha rajona Minska da 15 sutak pa č. 1 art. 24.23 KaAP asudzili 45-hadovaha indyvidualnaha pradprymalnika Vadzima Sarafanava, paviedamlajuć pravaabaroncy.
Mužčynu zatrymali ŭčora dniom na vulicy Adzincova. Zhodna z pratakołam, Sarafanaŭ pravioŭ «niesankcyjanavanaje pikietavańnie», raźmiaściŭšy na lusterku mašyny bieł-čyrvona-biełuju stužku.
Pa materyjałach spravy, supracoŭniki milicyi vyjavili stužački ŭ mašynie jašče 19 kastryčnika, ale zatrymali mužčynu tolki praź dzieviać dzion.
Na sudzie Vadzim Sarafanaŭ rastłumačyŭ, što stužku paviesiŭ u svajoj mašynie jašče ŭ 2011 hodzie, adrazu paśla taho, jak nabyŭ aŭtamabil. Stužačku jamu padaryła jahonaja babula razam z abrazami. Pa słovach mužčyny, «BČB-stužka — heta bolš chryścijanski znak, čym palityčny» i «dumak palityčna jaje vykarystoŭvać» u jaho nie było.
«Usie našy śviatary nosiać na rasach takija ž adroźnieńni. I visieła jana ŭ mianie ŭ mašynie razam z dvuma starymi abrazami, jakija padaryła babula».
Ale dla sudździ Maryi Jarochinaj hetyja dovady akazalisia niepierakanaŭčymi: jana rascaniła stužki ŭ mašynie jak niesankcyjanavanaje pikietavańnie i aryštavała minčuka na 15 sutak.
Ciapier čytajuć
Vyśvietlili, dzie adbyvaŭsia «dopyt» kalinoŭca Vasila Hračychi13
Kamientary