Minfin udakładniŭ prahnoz pa deficycie respublikanskaha biudžetu sioleta. Viedamstva pa-raniejšamu prahnazuje, što minus pa vynikach hoda pieravysić adznaku ŭ 6 młrd rubloŭ. Pryčym pieršapačatkova deficyt byŭ zapłanavany ŭ pamiery 4 miljardaŭ rubloŭ, ale zatym niekalki razoŭ pierahladaŭsia.
Pa ŭdakładnienych danych, deficyt respublikanskaha biudžetu ŭ hetym hodzie składzie 6 miljardaŭ 56,7 miljona rubloŭ. Infarmacyja pra heta apublikavana na sajcie viedamstva. Hetaja suma na 16 miljonaŭ rubloŭ mienšaja za papiarednija prahnozy.
Viedamstva palepšyła prahnoz pa dachodnaj častcy, jana pavinna skłaści pa vynikach hoda 24 młrd 81,5 miljona rubloŭ. U paraŭnańni z papiarednim prahnozam vyraśli čakańni pa pastupleńniach ad padatku na dabaŭlenuju vartaść i akcyzach. Prahnoz pa dachodach ad źniešnieekanamičnaj dziejnaści i padatku na prybytak zastaŭsia raniejšym.
Minfin taksama źniziŭ čakanuju sumu vydatkaŭ biudžetu — da 30 młrd 138,2 miljona rubloŭ. Heta adbyłosia za košt urazańnia płanavanych vydatkaŭ na ahulnadziaržaŭnuju dziejnaść (siarod inšaha heta traty na absłuhoŭvańnie dziarždoŭhu, na dziaržkiraŭnikoŭ, mižbiudžetnyja tranśfierty). Pry hetym čakanyja vydatki na nacyjanalnuju ekanomiku i sacyjalnuju śfieru trochi padvysili.
Nahadajem, pieršapačatkova deficyt biudžetu na hety hod byŭ zapłanavany ŭ pamiery 4 młrd 46,9 miljona rubloŭ, ale paźniej jon byŭ pavialičany da 5,6 miljarda rubloŭ, zatym znoŭ pierahladaŭsia.
Na 1 kastryčnika deficyt respublikanskaha biudžetu pieravysiŭ 1 młrd rubloŭ, pry hetym biudžet siektara dziaržkiravańnia akazaŭsia praficytnym na 200 młn rubloŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova8
Kamientary