Mahutny ŭdar pa vytvorcu prahram ličbavaha špijanažu. ZŠA nakłali sankcyi na izrailskuju IT-kampaniju
Tydzień tamu Minhandlu ZŠA ŭnieśli ŭ čorny śpis Izrailskuju kampaniju pa vyrabnictvie prahram dla ličbavaha špijanažu NSO Group. Samaja viadomaja z prahram hetaj kampanii, Pegasus, zdolnaja niezaŭvažna ŭklučać aŭdyjo- i videazapis na smartfonach na adlehłaści, tłumačyć Wall Street Journal.
Pieršapačatkova raspracavanaja dla adsočvańnia złačyncaŭ i zmahańnia z teraryzmam, Pegasus vykarystoŭvałasia aŭtarytarnymi dziaržavami dla pieraśledu žurnalistaŭ, aktyvistaŭ i zamiežnych palitykaŭ.
Pra heta stała viadoma ŭ lipieni hetaha hodu, paśla taho jak francuzskaja arhanizacyja Forbidden Stories razam ź mižnarodnaj pravaabarončaj arhanizacyjaj Amnesty International abviaścili vyniki svajho rasśledavańnia. Jany pieradali žurnalistam i niezaležnym ekśpiertam 50 000 telefonnych numaroŭ, jakija byli ŭzłamanyja prahramaj Pegasus.
U śpisie byŭ telefon prezidenta Francyi Makrona, naprykład, a taksama telefony dziesiaci premjer-ministraŭ, niekalkich prezidentaŭ, adnaho karala.
Što značyć uklučeńnie ŭ čorny śpis ZŠA dla izrailskaj kampanii?
Vytvorca prahram ličbavaha špijanažu bolš nie zmoža pakupać technałohii, detali i techničnyja častki ŭ ZŠA, a taksama supracoŭničać z amierykanskimi kampanijami, u tym liku pa kibierbiaśpiecy. Heta surjozna zapavolić prodažy praduktaŭ izrailskaj kampanii va ŭsim śviecie.
Paśla letniaha skandału kampanija pasprabavała raznastaić svaju pradukcyju prahramami kibierbiaśpieki. Ale inviestaraŭ u hetyja novyja prahramy ciapier budzie znajści zusim niaprosta.
Što na heta kaža izrailski bok?
Izrail admaŭlaje abvinavačvańni Minhandlu ZŠA i kaža, što ŭsia dziejnaść kampanii adpaviadaje intaresam ZŠA ŭ śfiery nacyjanalnaj biaśpieki — jany dapamahali dziaržavam zmahacca z teraryzmam.
Kampanija-vyrabnik prahram ličbavaha špijanažu padkreślivaje, što spyniła kantrakty ź niekatorymi krainami, jakija złoŭžyvali ich pradukcyjaj, a taksama ŭviała novyja praviły manitorynhu patencyjnych złoŭžyvańniaŭ. Izrail spadziajecca, što hetaje rašeńnie ZŠA možna budzie pierahledzieć.
Minhandlu ZŠA ŭpieršyniu ŭklučyła ŭ čorny śpis kampaniju z krainy-sajuźnika.
Pra što nahadała biełarusam
Biełarusy niadaŭna nazirali, jak Jeŭrasajuz upieršyniu ŭklučyŭ biełaruskuju IT-kampaniju u sankcyjny śpis. Kampanija Synesis papłaciłasia za toje, što pradstaŭlała ŭładam Biełarusi płatformu dla videanazirańnia, jakaja dazvalała raspaznavać tvary.
U Rasii paviedamili ab stvareńni novaj zienitnaj rakietnaj sistemy S-550
Ambicyjny prajekt Džefa Biezasa: kaśmičnaja stancyja dla turystaŭ. Jana budzie paraŭnalnaja z MKS
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary