Aŭstryja rychtujecca ŭvieści novy łakdaŭn tolki dla nievakcynavanych ci nie całkam vakcynavanych hramadzian.
Heta aznačaje, što jany nie zmohuć pakidać svaje damy biez važkaj pryčyny, da jakich adnosiacca pachod na pracu, pa pradukty, a taksama heta zaniatki sportam na śviežym pavietry, piša Bi-bi-si.
Krytyki hetaj miery ličać, što va ŭładaŭ niama resursaŭ, kab kantralavać jaje vykanańnie. Akramia taho, nievakcynavanyja aŭstryjcy ŭžo daŭno nie mohuć naviedvać restarany, kinateatry, sałony pryhažości i harnałyžnyja kurorty.
Adnak kamisija epidemijołahaŭ pry aŭstryjskim uradzie ličyć, što rezki skačok zachvorvańnia pa ŭsioj krainie pradstaŭlaje sapraŭdnuju pahrozu, i ŭviadzieńnie dadatkovych abmiežavańniaŭ nieabchodna.
Pakul łakdaŭn zakranie tolki niekatoryja rajony krainy. Z paniadziełka jon budzie ŭviedzieny ŭ Vierchniaj Aŭstryi — rehijonie z samym nizkim uzroŭniem vakcynacyi, jaki miažuje z Hiermanijaj i Čechijaj. Na čarzie — fiederalnaja ziamla Zalcburh.
Adnak aŭstryjski kancler Alaksandr Šalenbierh papiaredziŭ, što ahulnanacyjanalny łakdaŭn moža taksama stać niepaźbiežnym.
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22
Kamientary