Аўстрыя рыхтуецца ўвесці новы лакдаўн толькі для невакцынаваных ці не цалкам вакцынаваных грамадзян.
Гэта азначае, што яны не змогуць пакідаць свае дамы без важкай прычыны, да якіх адносяцца паход на працу, па прадукты, а таксама гэта заняткі спортам на свежым паветры, піша Бі-бі-сі.
Крытыкі гэтай меры лічаць, што ва ўладаў няма рэсурсаў, каб кантраляваць яе выкананне. Акрамя таго, невакцынаваныя аўстрыйцы ўжо даўно не могуць наведваць рэстараны, кінатэатры, салоны прыгажосці і гарналыжныя курорты.
Аднак камісія эпідэміёлагаў пры аўстрыйскім урадзе лічыць, што рэзкі скачок захворвання па ўсёй краіне прадстаўляе сапраўдную пагрозу, і ўвядзенне дадатковых абмежаванняў неабходна.
Пакуль лакдаўн закране толькі некаторыя раёны краіны. З панядзелка ён будзе ўведзены ў Верхняй Аўстрыі — рэгіёне з самым нізкім узроўнем вакцынацыі, які мяжуе з Германіяй і Чэхіяй. На чарзе — федэральная зямля Зальцбург.
Аднак аўстрыйскі канцлер Аляксандр Шаленберг папярэдзіў, што агульнанацыянальны лакдаўн можа таксама стаць непазбежным.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны1
Каментары