Kiraŭnik słužby achovy miažy Litvy: My hatovyja da lubych scenaryjaŭ padziej na hranicy
Litva nie vyklučaje imaviernaść sprobaŭ uzbrojenaha ŭvarvańnia ŭ krainu nielehalnych mihrantaŭ z Afryki i Azii z terytoryi Biełarusi i hatovaja ich adbić.
Pra heta paviedamiŭ u subotu haziecie Lietuvos rytas načalnik Słužby achovy dziaržaŭnaj miažy pry MUS Respubliki hienierał Rustamas Lubajevas, piša TASS.
«My hatovyja da lubych scenaryjaŭ raźvićcia padziej na miažy, u tym liku da sprobaŭ praniknieńnia na našu terytoryju z vykarystańniem zbroi. Pamiežnikam dapamahajuć armija i palicyja, da achovy miažy pryciahnuta vialikaja kolkaść sił», — skazaŭ jon.
Hienierał nie ŭdakładniŭ, u čyich rukach mahła b znachodzicca zbroja.
Jon zaznačyŭ, što kali litoŭski bok fiksuje nabližeńnie da miažy mihrantaŭ, to niaredka zaŭvažaje prysutnaść pobač ź imi pradstaŭnikoŭ biełaruskich siłavych struktur.
«Niebiaśpieka kanfliktu [pamiž litoŭskimi i biełaruskimi pamiežnikami] zastajecca, ale dahetul nie było vypadku, kab biełarusy nakiravali zbroju ŭ bok našych patruloŭ, — adznačyŭ Lubajevas.
— Našych supracoŭnikaŭ my instruktujem pa pytańniach biaśpieki i reahavańnia na mahčymyja pravakacyi».
Kim akazaŭsia toj biełarus, što ŭ adnych trusach napaŭ na palicejskich na Pchukiecie i raskidaŭ ich5
Kamientary